विराटनगर । नेवाः देय् दबू मोरङको अध्यक्षमा थर्कमान श्रेष्ठ निर्वाचित भएका छन् । विराटनगरमा शनिबार सम्पन्न भएको चौथो जिल्ला अधिवेशनबाट थर्कमानले ८२ मत ल्याएर अध्यक्षमा निर्वाचित भएका हुन् । उनका प्रतिस्पर्धाी ओम प्रकाश श्रेष्ठले ५७ मत पाए ।
सचिवमा नबिन श्रेष्ठले ८० मत ल्याएर निर्वाचित भए । सचिवका प्रतिस्पर्धी धिरोज श्रेष्ठले ५८ मत पाए । नेवाः देय् दबू मोरङको अध्यक्ष र सचिवमा निर्वाचत भएको थियो ।
मोरङ जिल्लाका सबै पालिकाका १५२ जना प्रतिनिधि रहेकोमा १४२ मत खसेको थियो । अध्यक्षमा निर्वाचित अध्यक्ष थर्कमानको घर सुन्दर हरैचा नगरपालिका १२ मा घर रहेको छ । समितिको बरिस्ठ उपाध्यक्षम सैलेन्द्र श्रेष्ठ, उपाध्यक्ष लक्ष्मीनारायण जोशी, महिला उपाध्यक्ष गंगादेवी श्रेष्ठ, सचिव नविन श्रेष्ठ, महिला सचिव मनमाया श्रेष्ठ र कोषाअध्यक्ष प्रकाश श्रेष्ठ रहेका छन् ।
समितिका अन्य सदस्यहरुमा सुरज बहादुर श्रेष्ठ, मणिलाल श्रेष्ठ, चन्द्र बहादुर श्रेष्ठ, भीमकुमार श्रेष्ठ, लिलाकुमार श्रेष्ठ, गीतादेवी श्रेष्ठ, गोपाल श्रेष्ठ, प्रविन श्रेष्ठ, हेमराज श्रेष्ठ, गाँन्दिप श्रेष्ठ, प्रेमकुमार श्रेष्ठ, दिलकुमारी शाक्य रहेकी छिन् ।
उक्त कार्यक्रममा नेवाः न्हू पुचः उर्लाबारीको निर्माणाधिन भवनको लागि निबर्तमान अध्यक्ष सुरेश कुमार श्रेष्ठ, सुनिल कुमार श्रेष्ठ र देबेन्द्र कुमार मास्केले जनही १५ हजार ५ सय रुपैयाँ आर्थिक सहयोग गरेका छन् ।