विराटनगर । अर्ग्यानिक खेतीका लागि रोटरी क्लब अफ विराटनगर डाउनटाउनले कृषकहरुलाई सहयोग गरेको छ । बढ्दो विषादी प्रयोगबाट मानिसको स्वास्थ्यमा नकारात्मक असर परिरहेकाले कृषकलाई अर्ग्यानिक खेतीमा आकर्षित गर्नका लागि क्लबले सहयोग गरेको हो ।

अंग्रेजी नयाँ वर्षको सुरुवातसँगै क्लबले विराटनगरको जतुवा नयाँ मन्दिर नजिक र बुद्धनगर गाउँमा अर्ग्यानिक खेतीबारे सचेतनामूलक कार्यक्रमसेमत गर्दै कृषकहरुलाई सहयोग गरेको हो ।

कार्यक्रममा प्राङ्गारिक मलको प्रयोगबाट गरिने खेतीको फाइदा र उत्पादन बढाउन धेरै विषादी प्रयोग गर्दा हुने हानीबारे जानकारी गराइएको थियो ।

सो अवसरमा कृषकहरुलाई ५५ केजी आलुको बिउ, बन्दाकोबी, टमाटर, खुर्सानी बिउ वितरण गरिएको रोटरी क्लब अफ विराटनगर डाउनटाउनकी अध्यक्ष मञ्जु अग्रवालले जानकारी दिइन् ।