विराटनगर । तमु लोसारको पुर्वसन्ध्यामा तमु ह्युल छोंज धी गुरुङ राष्ट्रिय परिषद महानगर इकाइले दीप प्रज्वलन गरेको छ । विराटनगरस्थित जनआन्दोलन चोकमा आइतबार साझमा दिप प्रज्जवलन गरेको हो ।
गुरूङ सामुदायले मनाउने तमु लोसारको अवसरमा सोमबार विराटनगर ७ हाटखोलास्थित हरियाली पार्कमा भव्य कार्यक्रम आयोजना गरि मनाउने तयारी गरेको छ ।
उक्त कार्यक्रममा यसअघि विराटनगरमा सदभावपुर्ण म्याराथन दौड प्रतियोगिताको बिजेता हुनेहरुलाई पुरस्कार समेत वितरण गरिने भएको छ ।
दौड प्रतियोगिताको पुरुषतर्फको प्रथम सुनसरीको दहबी घर भएका अशोक कुमार मण्डल, द्धितीय विराटनगर ६ का नितेश भट्टराई र तृतीय कटहरी बसन्त माझी घोषित भए । त्यसैगरी महिला तर्फको प्रथम आशिका ठाकुर, द्धितीय अनमिका चौधरी र तृतीय कमला चौधरी भइन् । महिलातर्फको सान्तवना कोहिनुर तामाङ्ग घोषित भएकी छिन् ।

त्यसैगरी ४० वर्ष माथिको दौडको प्रथम राजेश गुरुङ भए भने ४५ वर्षभन्दा माथि उमेर समूहको प्रथम रामकुमार सरदार र ५० वर्ष भन्दा माथिको प्रथम विद्यानन्द माझी घोषित भएका छन् ।
प्रथम, द्धितीय र तृतीय हुनेले क्रमश ३ हजार १ सय, २ हजार १ सय र १ हाजरा पाँच सय रुपैयाँ पाउनेछन् । उक्त पुरस्कार वितरण सोमबार हुने तमु ह्युल छोंज धी गुरुङ राष्ट्रिय परिषद महानगर इकाइको सचिब राजेश गुरुङले बताए ।