विराटनगर । प्रथम रविदानन्द चौधरी स्मृति कप भेट्रान फुटबल प्रतियोगिताको उपाधिको लागि विराटनगरको विराट युनाइटेड भेट्रान र रंगशाला भेट्रानबीच प्रतिस्पर्धा हुने भएको छ ।

मोरङको ग्रामथान गाउँपालिका – ७ गणेश माविको खेल मैदानमा आइतबार सम्पन्न भएको अन्तिम सेमिफाइनल खेलमा सुन्दरहरैचको विराटचोक भेट्रानलाई ५–४ गोलले टाइब्रेकरमा हराउँदै रंगशाला भेट्रान फाइनमा पुगेको हो ।
निर्धारित समयसम्म १–१ गोलको बराबरी भएपछि जितको छिनोफानो टाइब्रेकरबाट भएको हो । खेलको प्लेर अफ द म्याच रंगशाला भेट्रानका केशव न्यौपाने घोषित भए । उनले नगद एक हजार पाए ।

प्रतियोगिताको फाइनल केही दिन भित्रमा आयोजकले सार्वजानिक गर्ने तयारी गरेको टाईगर क्लव ग्रामथानका अध्यक्ष मुक्ति गच्छदारले जानकारी दिए । ‘प्राविधिक कारणले मंगलबार हुने भनिएको फाइनल खेल केही दिन पर सरेको छ,’ उनले भने, ‘मंगबलारसम्म फाइनलको मिति तय हुनेछ । त्यसपछि हामी जानकारी गराउनेछौं ।’
प्रतियोगिताका विजेतालाई ३१ हजार, उपविजेतालाई २१ हजार र ट्रफि रहेको छ । बेष्ट प्लेयर र बेष्ट किपरलाई ५ हजार पाउनेछन् । प्रतियोगितामा ८ वटा टिमको सहभागिता रहेको थियो ।