विराटनगर । मोरङको कटहरीमा दुई दिने संयुक्त सामुदायिक विपद प्रतिकार्य तालिम सकिएको छ । कटहरी गाउँपालिको आयोजना र श्री भैरव गण थलाहा ब्यारेकको समन्वयमा सुरु भएको तालिम सोमबार सम्पन्न भएको हो ।

तालिममा कटहरी गाउँपालिका भित्रका प्रत्येक वडाका जनप्रतिनिधी, नगर प्रहरी, बिपद समितिको सदस्य, शाखा प्रमुखहरुको गरी ६० जनाको सहभागिता रहेको थियो । कार्यक्रममा बोल्दै कटहरी गाउँपालिका अध्यक्ष बेदराज चौधरीले विपदको पुर्व तयारी गर्नुको साथै मनसुन जन्य र आगलागी जन्य प्रतिकार्य रोक्न तालिम लिएको बताए । पालिका भित्र हुने विपदको घटना रोकथाम र नियन्त्रणमा गाउँपालिका लागि परेको उनले बताए ।
दुई दिनसम्म हुने तालिमको सहजिकरण श्री भैरव गण थलाहाका ब्यारेक प्रमुख सेनानी असिम श्रेष्ठ, सनानि प्रमिण थापा र उपसेनानी रिना बिश्वकर्मा गरेकी थिइन्् । दुई दिनसम्म हुने तालिममा बिपद, मनसुन जन्य र आगलानि जन्य प्रतिकार्य कसरि गर्ने त्यस बिषयमा जानकारी गराइने प्रमुख सेनानी असिम श्रेष्ठले बताए ।