विराटनगर । विराटनगरमा जारी एसइइ कप अन्तर विद्यालय स्तरीय रनिङ शिल्ड फुटबल प्रतियोगितामा पाँच वटा स्कुल विजय भएका छन् ।
विराटनगरको सहिद मैदानमा शनिबार भएको खेलमा वीरेन्द्र मावि, दिल्ली पब्लिक, सुनसरी किस्टल, जनता मावि र आर्दश मावि विजय भएका हुन् ।

पहिलो खेलमा वीरेन्द्रले कर्मवीर माविलाई २– १ गोलले हरायो । जितको लागि वीरेन्द्र माविको तर्फबाट समीर माझी र आशान ऋषिदेवले गोल गरे । कर्मवीरका रोहन सरदारले सान्तवना गोल फर्काए । म्यान अफ दि म्याच वीरेन्द्र माविका समीर माझी घोषित भए ।
दोस्रो खेलमा डिपिएसलले इडेन स्कुललाई ३–० गोलले पराजित गर्यो । जितको लागि डिपिएसको तर्फबाट आयुश शहनी, अमन खवाश र बिटिश राईले गोल गरे । म्यान अफ म्याच आयुश शाहनि भए ।
तेस्रो खेलमा सुनसरी किस्टलले टाइब्रेकरमा सारदा माविलाई ४–२ गोलले निरास बनायो ।
चौथो खेलमा जनता माविले बिराट शिक्षा निकेतनलाई ५–० गोलले हरायो । जितको लागि जनता माविको तर्फबाट सविन माझीले ह्याट्रिक गर्दै तीन गोल, आयुश राजवंशी र रोहन मण्डलले १ –१ गोल गरे । म्यान अफ द म्याच सबिन माझी घोषित भए ।
पाँचौ खेलमा आदर्श मा.विले अपर्ण स्कुललाई ४–० गोलले पराजित गर्यो । जितको लागि अनमोल अधिकारीले दुई गोल, युसन लिम्बू र सोल्क बस्नेतले १–१ गोल गरे । म्यान अफ दि म्याच अनमोल अधिकारी घोषित भए ।
प्रतियोगितामा मोरङ र सुनसरीका ४४ वटा विद्यालयको सहभागि रहेको कार्यक्रम संयोजक विक्रम कार्की (बिक्की) ले जानकारी दिए ।