विराटनगर । कोशी प्रदेशका खानेपानी सिचाइ तथा उर्जा मन्त्री नारयण बुर्जा मगरले स्वच्छ खानेपानी बितरणलाई सुलभ र सहज बनाएर अगाडी बढाउन प्रदेश सरकार लागि पर्ने बताएका छन् ।
मोरङको कटहरी गाउँपालिका – ३ मा रहेको कटहरी खानेपानी आयोजनाको शनिबार भएको तेस्रो वार्षिक साधरणसभाको उद्घाटन गर्दै मन्त्री मगरले यस्तो बताएका हुन् ।
कार्यक्रममा बोल्दै उनले खानेपानी आयोजना विस्तारको लागि प्रदेश सरकार लागि पर्ने बताए । ‘अहिले मोरङ, सुनसरी र झापामा थुप्रै खानेपानी आयोजनाहरू अधुरो रहेको पाइएको छ,’ उनले भने, ‘यी स्थानमा मैले प्रत्यक्ष रुपमा अनुगमन र पनि गरेको छ । अधुरो रहेको आयोजनाहरु निमार्ण सकेर उपभोक्तालाई स्वच्छ सफल खानेपानी पु¥याउन आयोजना गर्ने इकाइ कार्यालयहरूलाई मैले निर्देशन दिएको छु ।’ सरकारको एक घर एक धरा नीतिलाई आत्मसाथ गर्दै खानेपानी आयोजनाहरु अगाडी बढनुपर्ने उनले बताए ।

कार्यक्रममा कटहरी गाउँपालिका अध्यक्ष देवराज चौधरीले कटहरी खानेपानी आयोजनाले उपभोक्ताको अपनोत्व हुने गरी खानेपानी वितरण गर्दै अगाडी बढेको बताए । आगमी दिनमा थप सेवा विस्तार गरेर अगाडी बढनुपर्ने उनले बताए । कटहरी खानेपानी आयोजनाका अध्यक्ष विद्यानन्द चौधरीले आयोजनामा हालसम्म १ हजार ३ सय ६० घरधुरीलाई पानी वितरण गर्दै आएको जानकारी दिए । अझै पनि धारा मागको संख्या अत्याधिक आइरहेको उनले बताए । कटहरीका उपभोक्तालाई सुलभ र सहज तरिकाले खानेपानी वितरण गरेको उनले बताए । २०५७ सालमा स्थापना भएको आयोजनामा कटहरी गाउँपालिका भरी पानी वितरण गरेको छ । यस संस्थाले पानी वितरण अहिले दैनिक १६ घण्टा हुँदै आएको छ । आयोजनामा ओभरहेड ट्याङकी तथा पाइपलाइन, बोरिङ कार्यको डिपीआर भइरहेको बताइएको छ ।
सोही अवसरमा विभिन्न क्षेत्रमा योगदान पु¥याउने व्यक्तिहरुलाई पनि सम्मान गरेको छ । कार्यक्रममा टुम्नी देवी चौधरी, शान्तीदेवी राजवंशीलगायतलाई सम्मान गरियो । उनीहरुलाई कदर पत्र र दोसल्ला ओढाएर मन्त्री बुर्जामगरले सम्मान गरे ।