विराटनगर । विराटनगर महानगरपालिका ४ मा एक महिने ब्यूटि पार्लर तालिम सम्पन्न भएको छ ।  सिक्वीन ब्युटी पार्लरको आयोजना र विराटनगर महानगरपालिका ४ नं. वडाको आर्थिक सहयोगमा ब्युटी पार्लर सोमबार सम्पन्न भएको हो । 

एक महिने ब्यूटिपार्लर तालिमको समापन कार्यक्रममा सहभागीहरूलाई प्रमाणपत्र वितरण गरिएको थियो । तालिममा सहभागी भएकाहरूलाई  विराटनगर ४ का वडाध्यक्ष जितेन थापा, वडा सदय सरिता घिमिरे, राष्ट्रिय सौन्दर्यकर्मी युनियन नेपाल महानगर कमिटी विराटनगरकी सचिब भली सुब्बालगायतले प्रमाणपत्र वितरण गरेका थिए । 

कार्यक्रममा बोल्दै वडाध्यक्ष थापाले महिलाहरूलाई आत्मनिर्भर बनाउन यस्ता तालिमले ठुलो सहयोग पुग्ने बताए । उनले आगामी दिनमा महिलाहरूलाई आत्मनिर्भर बनाउने क्षमता अभिवृद्धिमा पनि वडा कार्यालय अगाडी बढ्ने बताए । कार्यक्रममा विराटनगर ४ नं. वडाका वडा सदस्य सरिता घिमिरेले घरको चुलो चौकमा व्यस्त रहने महिलाहरूलाई आत्मनिर्भर बनाउन यस्ता तालिमले सहयोग पुग्ने बताइन् । 

महिलाहरूलाई आत्मनिर्भर बनाउने उद्देश्यले एक महिने तालिम दिएको सिक्वीन ब्युटी पार्लरका सञ्चालक तथा ब्यूटिसियन कला डाँगीले बताइन् । महिना दिनसम्म संचलान  भएको तालिमको प्रशिक्षक ब्यूटिसियन कला डाँगी , बिना अधिकारी  र पुनमा साह रहेकी थिइन् । तालिममा ३० जना महिलाहरूको सहभागी रहेको थियो । तालिममा सहभागीहरूले घरको चुलो चोकमा व्यस्त रहने महिलाहरू आत्मनिर्भर हुन सहज भएको बताए । उनीहरूले आधारभूत तहको एडभान्स तालिम लिएकाले अब लेभल दुई तालिम दिनुपर्नेमा जोड दिए ।