विराटनगर । अन्तर्राष्ट्रिय श्रमिक महिला दिवसका अवसरमा नेपाल ट्रेड युनियन महासंघ (जिफन्ट)ले सुत्केरीलाई फलफूल वितरण गरेको छ ।
जिफन्ट कोशी प्रदेशले ११४ औं अन्तर्राष्ट्रिय श्रमिक महिला दिवसको अवसरमा विराटनगरस्थित कोशी अस्पतालको प्रसूति विभागमा रहेका सुत्केरीलाई शुक्रबार फलफूल वितरण गरेको हो ।

जिफन्टका प्रदेश अध्यक्ष किशोर धमलाका अनुुसार ७५ जना सुत्केरीलाई फलफूलसहित बिस्कुट र सुप वितरण गरिएको छ ।
फलफूल वितरणपछि एमाले पार्टी कार्यालयमा जिफन्टले अन्र्तक्रिया कार्यक्रम आयोजना गरेको छ । कार्यक्रममा जिफन्ट कोशी प्रदेशका अध्यक्ष किशोर धमालसहित, नेपाल राष्ट्रिय सौन्दर्यकर्मी यूनियन आवद्ध महिलाहरुको सहभागिता रहेको थियो ।