विराटनगर । विराटनगर–३ कञ्चनवारीस्थित आर्या न्यूरो हस्पिटलमा विशेषज्ञ चित्कसकहरुबाट निःशुल्क ओपीडी सेवा सुरु भएको छ । छोटो समयमा गुणस्तरीय सेवा प्रदान गरी बिरामीको मन जित्दै आएको हस्पिटलले दुई वर्षदेखि विशेषज्ञ ओपीडी सेवा निःशुल्क गरेको हो ।
अस्पतालले मष्तिक, मेरुदण्ड तथा नसारोग सम्बन्धि समस्याको लागि न्यूरो सर्जन डा. पंकजराज नेपालले ओपीडि निःशुल्क सेवा दिदै आएका छन् ।
स्वास्थ्यको पहुँचभन्दा टाढा रहेका आर्थिक रुपमा विपन्न समुदायहरुलाई लक्षित गरेर आर्या अस्पतालले निःशुल्क विशेषज्ञ ओपीडी सेवा सुरु गरेको जानकारी दिएको छ ।
आर्थिक अवस्था कमजोर भएका विरामीले पनि स्वास्थ्य उपचार पाउने हेतुले निःशुल्क गरिएको हो । ‘प्रराम्भिक स्वास्थ्य जाँचबाट रोगको बारेमा थाहा हुने हो,’ न्यूरो सर्जन डा. नेपालले भने, ‘अहले ओपीडिमा २५ देखि ३० जनासम्म विरामी हेर्दै आएको छु ।’
हस्पिटल स्थापनादेखि ओपीडि सेवा निःशुल्क गर्दा हजारौ विरामीले ओपीडिमा निःशुल्क सेवा लिएका छन् ।
आर्या न्यूरोमा न्यूरो, हाडजोर्नी तथा नशा, मानसिक रोग, जनरल फिजिसियनलगायतको ओपीडी सेवा पनि रहेको छ ।