सुनको मूल्य ९९ हजार ८ सय पुग्यो
काठमाडौं, २० साउन-सोमबार स्थिर रहेको सुनको मूल्य आज वृद्धि भएको छ । आज प्रतितोला २ सयले वृद्धि भएर छापावाल सुन ९९ हजार ८ सय रुपैयाँ निर्धारण गरिएको नेपाल सुनचाँदी महासंघले जनाएको छ । मंगलबार तेजावी...
विराटनगर। अखिल नेपाल ट्रेडयुनियन महासंघ कोशी प्रदेशको अगुवाईमा श्रमकार्यालय विराटनगरमा ज्ञापनपत्र बुझाएको छ । ५ बुँदे माग सहित अखिल नेपाल टे«ड युनियनले आज श्रम कार्यालयमा ज्ञापनपत्र बुझाएको हो ।
ज्ञापनपत्रमा श्रमऐन २०७४ लागू गरिनुपर्ने, सामाजिक सुरक्षा कोष ऐन २०७५ कार्यान्वयन गरिनुपर्ने, नेपाल राजपत्र अनुसार बढेको पारिश्रमिक साउन १ गतेदेखि नै लागू गरिनुपर्ने, बैदेशिक श्रम स्वीकृति र श्रमिकको मुद्दा हेर्ने अलग कार्यालयको व्यवस्था गरिनुपर्ने, ऐन कानुन ,बढेका पारिश्रमिक कार्यान्वयन नगर्ने प्रतिष्ठानलाई कडा कार्वाही गरिनुपर्ने, साथै श्रम कार्यालयलाई आवश्यक जनशक्तिको अबिलम्ब व्यवस्था गरिनुपर्ने माग राख्दै श्रम कार्यालयमा ज्ञापन पत्र बुझाएको
नेपाल ट्रेडयुनियन महासंघका उपमहासचिब ओपेन्द्र कुमार रायले जानकारी दिए । ज्ञापन पत्र बुझाउँदा महासंघका उपाध्यक्ष तथा प्रदेश इन्चार्ज भुपाल सापकोटा , उपमहासचिव ओपेन्द्र कुमार राय र सीता सापकोटा ,प्रदेश अध्यक्ष टिकाराम प्रसाईं लगायत पदाधिकारीको उपस्थीति रहेको थियो । उनीहरुले विराटनगर ४ दुधफारम देखि नाराजुलुश सहित श्रमकार्यालय विराटनगरमा ५ बुँदे माग सहित ज्ञापनपत्र बुझाईएका हुन् ।
