विराटनगर । नेपाली काँग्रेसका युवा नेता अभिषेक गिरी पछिल्लो समय सामाजि क्षेत्रमा सक्रिय भएर लागि परेका छन् । उनले आर्थिक विपन्न परिवारलाई जाडोको न्यायो कपडा बितरणदेखि उपचार नपाएर अस्पतालमा छटपटिरहेका विरामीको उपचार गरेर सामाजि कार्यमा सक्रिय भएर लागि परेका हुन् ।

केही दिन अगाडी गिरीले विराटनगरस्थित रेडप्लस अस्पतालमा आगोले जलेर घाइते भएका एक जना बालककोे निःशुल्क उपचार गरिदिएका थिए । गिरीको पहलमा विराटनगरका आदिलको १८ दिन अस्पतालमा राखेर उपचार गरेपछि डिस्चार्ज भएको थियो । उक्त बालकको उपचारमा लागेको सम्पूर्ण खर्च गिरीले गरिदिएका थिए । त्यसैगरी विराटनगरको ऋषिदेव परिवारका सदस्यहरुलाई पनि जाडोको कपडा गिरीले बितरण गर्दै आएका छन् । उनले असाय र आर्थिक अवस्था नाजुक भएका परिवारहरुलाई खाद्यन्य र लत्ताकपडा वितरण पनि गर्दै आएका छन् ।

यसैगरी गिरीले विराटनगर – ८ अशोकचोक स्थित रहेको मदरसा तालिमुल कुरान मदरसामा रहेका बालवालिकाहरुलाई पनि बिहीबार भोजन गराएका छन् । करिब दुई सय जना बालवाकिाहरुलाई गिरीले भोजन गराएका हुन् । उनले मदरसा निरीक्षणको क्रममा भौतिक संरचना जिर्ण भएकोले निमार्णमा सहयोग गर्ने विद्यार्थीहरुलाई शैक्षिक सामाग्री दिने बताएका छन् ।

मदरसाको भौतिक संरचनाको अवस्था कमजोर देखिएकोले व्यवस्थित बनाउन सहयोग गर्ने बताए । ‘भौतिक संरचना सुविधा सम्पन्न भयो भने मात्र विद्यार्थीहरूले गुणस्तरीय शिक्षा पाउँछन् । पहिलो आवश्यकता भनेको संरचना हो । त्यसैले मदरसाको संरचना राम्रो बनाउन लागि पर्नेछु,’ उनले मदरसाको निरीक्षण गर्दै भने, ‘मैले सकेको सहयोग गर्नेछु ।’
यता मदरसाका प्रधानाध्यापक अब्दुस सुबानले मदरसाको भवन निमार्णमा सहयोग पु¥याउर्ने कार्यप्रति युवा नेता गिरीलाई धन्यवाद दिए ।