विराटनगर । प्रहरी जवान सुनिल कुमार ठाकुर उत्कृष्ट प्रहरी घोषित भएका छन् । इलाका प्रहरी कार्यालय इटहरी दरबन्दी भइ हाल जिल्ला प्रहरी कार्यालय सुनसरीमा कार्यरत ठाकुर उत्कृष्ट कार्यसम्पदान गरेको भन्दै सुनसरी प्रहरीले भदौ महिनाको उत्कृष्ट प्रहरी घोषित गरेको हो ।

विभागीय मुल्य, मान्यता, आदेश निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्यपथमा तल्लीन भई अपराधमा संलग्न व्यक्तिहरुलाई पक्राउ गरी अपराध नियन्त्रणका लागि अहोरात्र खटी महत्वपूर्ण भूमिका खेलेको भन्दै ठाकुरलाई उत्कृष्ट प्रहरी घोषित गरेको सुनसरी प्रहरीले जनाएको छ । अपराध नियन्त्रणका लागि अहोरात्र खटी महत्वपूर्ण भूमिका निर्वाह गर्नुका साथै उच्च मनोवल र साहसका साथ अपराधिक गतिबिधीमा संलग्न अभियुक्त तथा मानिसहरु पक्राउ गरी कानुनी दायरामा ल्याई आम नागरिक समक्ष सुरक्षाको प्रत्याभुती दिलाउदै प्रहरी संगठनको छबी उच्च बनाउन प्रशंसनिय कार्य गरेकाले ठाकुरलाई भदौ महिनाको उत्कृष्ट प्रहरी घोषणा गरिएको सुनसरी प्रहरीका प्रमुख एसपी विपिन रेग्मीले जानकारी दिए ।