विराटनगर । विराटनगरको कोशी अस्पताल अगाडी रहेको स्नेहा फार्मेसीमा औषधि ब्यवसायी तथा जनता समाजबादी पार्टी मोरङका अध्यक्ष राजकुमार यादबलाई आक्रमण गर्ने नगर प्रहरीलाई कारवाहीको माग राख्दै नेपाल औषधि ब्यबसायी सघं मोरङले कारवाहीको माग राखेको छ ।

सघंका सदस्य समेत रहेका ब्यावसायी यादवमाथि भएको आक्रमण बिरुद्ध सत्य तथ्य छानविन गरि कडा कारवाहीको माग गर्दै औषधी ब्यवासायी सघं मोरङले विराटनगर महानगरपालीकाका मेयर नागेश कोइरालालाई शुक्रबार ज्ञापन पत्र बुझाएका हुन् ।

सघंका केन्द्रिय सदश्य प्रदिपकुमार दास, कोशी प्रदेशका अध्यक्ष कुमार खतिवडा, मोरङ जिल्लाका महासचिव दिनेश ठाकुर, औषधि बिक्री प्रतिनिधि सघं केन्द्रिय कार्यलय र बिराटनगर शाखा, मेडिकल ल्याब्रोरेटरी प्रतिनिधि सघं, तथा नेपाल चिकित्सक सघंका प्रतिनिधि सहितको संयुक्त टोलीले शुक्रबार महानगरपालिकाका मेयर नागेश कोइरालालाई भेटि ज्ञापनपत्र बझाएको हो ।

गत २७ गते बिराटनगर महानगरपालीकामा नगर प्रहरीले ब्यवसायी यादवसगं पार्किडको बिषयमा भएको सामान्य बिवादमा लछारपछार पार्दै दुब्र्यवहार गरेका थिए । पसल अगाडि नो पार्कीङमा रोकेको सिटी सफारीमा नगरप्रहरीले हृललक लगाएपछि त्यसलाई खोल्न यादवले नगरप्रहरीलाई आग्रह गरेका थिए ।

सोही बिषयमा बिवाद लम्बिएपछि नगरप्रहरीद्धारा यादवमाथि दुब्यवहार भएको थियो । उक्त घटनाको तत्काल सत्यतथ्य छानविन गरि दोसीउपर कडा कारबाहीको माग गर्दै मेयर कोइरालाईे ज्ञापनपत्र बुझाएको सघंका उपाध्यक्ष्ँ तथा प्रवक्ता देशबन्धु ढकालले बताए । उनले यस्ता खालका कार्यहरु नरोकिए, दोसीमाथि कडा कारवाही नभए ब्यवसायीको सुरक्षाको लागि चरणवद्ध आन्दोलन गर्न बाध्य हुने समेत बताए ।

यादवमाथि भएको दुव्र्यबहारको चौतर्फी विरोध भइरहेको छ ।