विराटनगर । मोरङको कानेपोखरी गाउँपालिका – ६ मुलगाउँस्थित सरस्वती आधरभूत विद्यालय परिसर भित्र निमार्ण सम्पन्न भएको खाजा घरको उद्घाटन गरिएको छ ।

कानेपोखरी ६ का ढाका बहादुर पुरीले स्वर्गीय छोरी पुर्व विद्यार्थी संगीता पुरी र स्वर्गीय आमा जोगमाया पुरीको स्मृतिमा विद्यालय परिसर भित्र खाजा घर निमार्ण गरिदिएका हुन् ।

उक्त खाजा घरको उद्घाटन आइतबार एक कार्यक्रम आयोजना गरी गरियो । पुरीले १ लाख ५० हजार रुपैयाँ खर्चेर खाजा घर निमार्ण गरिएका हुन् । उनले यसअघि पनि विद्यालयमा ५१ हजार १ सय ५ पाँच रुपैयाँको अक्षयकोष स्थापना गरिदिएका छन् । उक्त कोषको ब्याजबाट विद्यालयका जेहन्दार विद्यार्थीहरुलाई छात्रवृत्ती प्रदान गरिने गरेको छ ।

सोही अवसरमा खाजा घर निमार्ण गरिदिने पुरीलाई विद्यालयले सम्मान पनि गरेको छ । उनलाई कदर पत्र र दोसल्ला ओढाएर सम्मान गरियो । यसैगरी विद्यालयलाई प्रविधि मैत्री बनाएर अगाडी बढाउन सहयोग पु¥याउने मनकारी दाताहरुलाई पनि विद्यालयले सम्मान गरेको विद्यालय व्यवस्थापन समितिका अध्यक्ष खगेन्द्र बराइलीले जानकारी दिए ।