विराटनगर । विराटनगरस्थित लर्डबुद्ध कलेजमा चारदिनसम्म निःशुल्क स्वास्थ्य शिविर आयोजना गर्ने भएको छ । विराटनगर १० मा रहेको कलेज परिसरमा असार १९ देखि २२ गतेसम्म विराटनगरस्थित न्यूरो हस्पिटका चिकित्सकहरूले निःशुल्क स्वास्थ्य शिविरमा विरामीको स्वास्थ्य उपचार गर्ने भएको हो ।

एसइइ परीक्षा दिएका विद्यार्थी र उनीहरूका अभिभावकलाई लक्षित गरी निःशुल्क स्वास्थ्य शिविर आयोजना गरिएको कलेजले जनाएको छ । विहान ८ देखि ११ बजेसम्म विद्यार्थी र अभिभावकको स्वास्थ्य जाँच गरिने भएको छ । शिविरमा न्यूरो हस्पिटलका चिर्चित विशेषज्ञ चिकित्सकहरुबाट विद्यार्थी र अभिभावको स्वास्थ्य जाँच गरिने छ ।

सक्षम नेतृत्व, कुशल व्यवस्थापन, उत्कृष्ट शैक्षिक वातावरण तथा मिहेनती प्राध्यापक, शिक्षक शिक्षिकाहरुका कारणले लर्डबुद्ध कलेजमा गुणस्तरीय शिक्षा दिइने गरेको कलेजले जनाएको छ । गुणस्तरीय शिक्षासँगै विद्यार्थी र उनीहरुको अभिभावलाई स्वस्थ्य राख्न कलेजले निःशुल्क स्वास्थ्य शिविर पनि आयोजना गर्ने गरेको छ ।