विराटनगर । कोशी प्रदेशका मुख्यमन्त्री हिक्मत बहादुर कार्कीले बर्दी लगाएको प्रहरीको भुमिका महत्वपूर्ण रहेको बताएका छन् । वडा प्रहरी कार्यालय विराटनगरको नवनिर्मित भवनको उद्धघाटन कार्यक्रमलाई सम्बोधन गर्दै सुरक्षा निकायमा महत्वपूर्ण अंग प्रहरी रहको बताउदै बर्दी लगाएको प्रहरीको भुमिका महत्वपूर्ण रहेको बताएका हुन् ।

मुख्यमन्त्री कार्कीले प्रदेश संरचनामा प्रहरी नपरेको बताउदै प्रदेश सरकारले समन्वय गरेर अगाडि बढीरहेको बताए । ‘अहिले पनि प्रहरी समायोजनको काम अगाडि बढेको छैन,’ उलने भने,‘ प्रधानमन्त्री ज्युलाई भेटेर कुरा राख्दा चाडै समायोजन प्रक्रिया अगाडि बड्छ भन्ने आश्वासन पाएका छौँ । ’

प्रहरीको दर्दनाक अवस्था रहेको बताउदै मुख्यमन्त्री कार्कीले कतिपय ठाउँमा अपराधी बाइक, कारमा हिड्ने र प्रहरी साइकल ,मोटरसाइकलमा हिड्नु पर्ने अवस्था रहेको बताए । ‘प्रहरीका सवारी साधन ,स्रोत पर्याप्त नभएको अवस्था छ,’ उनले भने, ‘प्रदेशले बजेट बनाउदा प्रहरीलाई केही गर्न सक्ने अवस्था छैन । समन्वय मात्र गर्ने हो ।’ विपद ब्यबस्थापनमा नेपाली सेना ,शसस्त्र र प्रहरीले धेरै राम्रो काम गरेको उल्लेख गर्दै उनले प्रदेश सरकारले पनि विपद निति तयार पारेको बताए ।
कोरोनाको कारणले गर्दा भवन निर्माण ढिलो भएको बदाउदै उनले आगामी दिनमा भवन निर्माण गर्दा तोकिएको समयमा नै सम्पन्न गर्नुपर्नेमा मुख्यमन्त्री कार्कीले जाड दिए ।

२०७५–०७६ को बजेटमा प्रदेश प्रहरी कार्यालय सहित ५४ वटा भवन निर्माण गर्ने बजेट बिनियोजन गरेको बताउदै उनले भने, ‘आजको मितिसम्ममा धेरै सुबिधा सम्पन्न भवन बनिसकेका छन् ।’
कार्यक्रममा कोशी प्रदेश प्रहरी कार्यालय विराटनगरका डिआइजी राजेशनाथ बास्तोलले सुविधा सम्पन्न भवनबाट प्रहरीले शान्ति सुरक्षामा कठिबद्ध भएर लागि पर्ने बताए । प्रहरी कार्यालयमा आउने सेवाग्राहीलाई छिटो र छिरीतो तरिकाले सेवा प्रभाह गर्नुपर्नेमा जोड दिए । ‘पिढामा परेका व्यक्तिलाई थप पिडा दिनु हुदैन,’ उनले भने, ‘त्यस्ता सेवाग्राहीको प्राथामिकतामा राखेर सेवा दिनु प्रहरीको कर्तब्य हो ।’

उद्धघाटन कार्यक्रममा भौतिक पूर्वाधार मन्त्री दुर्गा चापागाई, विराटनगर महानगरपालिका प्रमुख नागेश कोइराला, मोरङ जिल्लाका सुरक्षा निकायका प्रमुखहरु लगायतको उपस्थिति रहेको थियो ।