विराटनगर । विराटनगरस्थित अरनीको कलेजले ५५ जना विद्यार्थीहरुलाई सम्मान गरेको छ । पूर्ण छात्रवृत्तीमा नाम निकाल्ने ४८ जना विद्यार्थी र कलेजमा स्थापना गरिएको छात्रावृत्तिका ७ जना विद्यार्थीलाई कलेज परिसरमा बुधबार एक कार्यक्रम आयोजना गरी सम्मान गरिएको हो ।

अरनीको कलेजमा अध्यरत ६ जना विद्यार्थीले एमबीबीएसमा पूर्ण छात्रवृत्तीमा नाम निकाल्न सफल भएका छन् । यसैगरी बीडीएसमा तीनजना, बीएससी एग्रीकल्चरमा ७ जना, इन्जिनियरिङ्गमा २६ जना, बीपिएचमा ३, बीएससी एमएलटीमा एक जना र बीएससी नर्सिङमा दुई जना गरी अरनीको कलेज पढने ४८ जना विद्यार्थीले पूर्ण छात्रवृत्तिमा नाम निकाल्न सफल हुने विद्यार्थीहरुलाई सम्मान गरिएको कलेजका प्राचार्य राजेश कार्कीले बताए ।

एमबीबीएसमा नाम निकाल्नेमा निराजन यादव, राजवेन्द्र कुमार रोय, सन्दिपकुमार मण्डल, शंसाक पराजुली, सुनिल कुमार यादव र राजेश कुमार महतो रहेका छन् । उनीहरुलाई जनही पाँच हजार रुैपैयासहित सम्मान गरिएको छ । यस्तै बीडिएसमा दिलिप पोखरेल, सजिल चौधरी र रीहा गौतम रहेकी छिन् ।

यसैगरी कलेजमा स्थापना गरिएको कोषबाट ७ जना विद्यार्थीलाई प्रदान गरिएको छ । दीवस थापाद्धार स्थापित सुरेन्द्र थापा र रीता थापा छावृत्तिबाट निर माया तामाङ्ग, विकेक रौनियारलाई पूर्ण छात्रवृत्ति प्रदान गरिएको छ । यस्तै विभसना किरण रेग्मी, मरिया सिलवाल, पियुष नेपाल र नितेश रौनियारलाई जनही पाँच हजार रुपैयाँले पुरस्कृत गरिएको छ । निलहरि भण्डारी छात्रवृत्ति दीक्षा गुरूङलाई प्रदान गरिएको छ ।

सोही अवसरमा कलेजको मुखपत्र अरनीको नामको पत्रिका बिमोचन गरिएको छ । उक्त पत्रिकामा स्कुलका गतिविधी र विद्यार्थीको रचनाहरु समावेश गरिएको छ ।

विद्यार्थीहरुलाई सम्मान कलेजका प्रचार्य राजेश कार्की, कार्यक्रमका प्रमुख अतिथि राष्ट्रिय परीक्षा बोर्ड व्यवस्थापनका प्रदेश निर्देशक युवराज पौडलले गरेका थिए ।