विराटनगर, १६ फागुन । रोटरी क्लब अफ विराटनगर डाउनटाउनद्वारा निर्मित शौचालय र चापाकल हस्तान्तरण गरिएको छ । मंगलबार एक कार्यक्रमकाबिच विराटनगर–४ स्थित खार्जी कोहबरा गाउँको एउटै टोलमा ३८ लाख रुपैयाँ बढीको लागतमा निर्माण गरिएको ७३ वटा शौचालय, २१ वटा चापाकल जडान र २० वटा चापाकलको मर्मत गरि हस्तान्तरण गरिएको हो ।

विराटनगर महानगरपालिकाकी उपमेयर शिल्पा निराला कार्कीको प्रमुख आतिथ्यतामा आयोजना गरिएको कार्यक्रममा रोटरी क्लब अफ विराटनगर डाउनटाउने नवनिर्मित शौचालय र चापाकल हस्तान्तरण गरेको हो ।

क्बलका पूर्व अध्यक्ष रचना राठी र अर्चना तपडियाको सक्रियतामा अढाई महिना भित्र ७३ वटा शौचालयको निर्माण, २१ वटा चापाकलको जडान र २० वटा चापाकलको मर्मत सम्भारको काम सम्पन्न भएको थियो ।

रोटरी क्लब अफ विराटनगर डाउनटाउनका अध्यक्ष रेखा राठी सहितका पदाधिकारीहरुले मंगलबार खारजी कोहबरा टोलमा आयोजित कार्यक्रममा विराटनगर महानगरपालिकाका उपमेयर शिल्पा निराला कार्की, विराटनगर–४ का वडाध्यक्ष तेजन थापा र बरिष्ठ रोटरीयन बेनीगोपाल मुन्दडाको उपस्थितिमा निर्माण गरिएको शौैचालय र चापाकल सम्बन्धित घर धनिलाई हस्तान्तरण गरिएको हो ।

साथै क्लबका पदाधिकारीहरुले शौचालय र चापाकलको संरक्षण गर्न सम्बन्धित घर धनिलाई सुझावसमेत दिएका छन् ।कार्यक्रममा रोटरी क्लब अफ विराटनगर डाउनटाउनकी अध्यक्ष का अध्यक्ष रेखा राठी, जनसम्पर्क अधिकृत सपना सिंघल, आगामी अध्यक्ष कुशुम चैनवाला, पूर्वअध्यक्ष रचना राठी, अर्चना तापडिया, किरण कर्ण, सुनिता अग्रवाल, डा. ममता बर्मा, अर्चना शर्मा, राजकुमारी तोदी, अनिता सोनी, सुगन्धा तोदी, पुनम रमेश राठी र संगीता सिंघानीयाको सहभागिता रहेको थियो ।

रोटरीयन अनिता सारडाले कार्यक्रम संचालन गरेकी थिइन । शौचालय निर्माण र चापाकल जडान तथा मर्मत सम्भार पछि उत्साहित टोलवासीले क्लबका पदाधिकारी सहित कार्यक्रममा सहभागी जनप्रतिनिधिहरुलाई फुलमालाले स्वागत गरेका थिए ।

शौचालय निर्माण र चापाकलको सहयोगी संस्था रोटरी क्लब अफ सहिबाबाद रहेको थियो । क्लब ज्योति आधारभूत विद्यालयमा खानेपानीको व्यवस्थापन गर्ने तयारीमा समेत जुटेको छ ।