विराटनगर । खाटु निशान यात्रामा सहभागी श्रदालु तथा भक्तजनहरुलाई विराटनगरमा रहेको सेन्ट्रल मलद्वारा जुस र पानी बितरण गरेको छ ।

होलि पर्वको अवसर पारेर विराटनगर शनिबार निस्किएको खाटु निशान यात्रामा सहभागी श्रदालु तथा भक्तजनहरुलाई सेन्ट्रल मलले जुस र पानी बितरण गरेको हो ।

विराटनगरको बन्जरा चौक श्याम मन्दिरबाट निस्किएको निशान यात्रामा सयौंको संख्यामा भक्तजनहरुको सहभागी थियो । सहभागीलाई जुस र पानी बितरण गरेको सेन्ट्रल मलद्वारासेन्ट्रल मलका कार्यकारी निर्देशक बिकास चौधरीले बताए । सेन्ट्रल मल चौथो वर्षमा पुगेको अवसरमा वार्षिकोत्सव विविद्य कार्यक्रम आयोजना गरी मनाउने भएको उनले बताए ।

वार्षिकोत्सव अवसर पारेर फागुन २० विहान १० बजेदेखि सुल्ला रक्तदान कार्यक्रम आयोजना गर्ने भएको छ । रक्तसंचार केन्द्रमा रगत अभाव भइरहेको अवस्थामा रगत नपाएर कसैको पनि ज्यान नजाहोस भनेर खुल्ला रक्तदान कार्यक्रममा आयोजना गरिएको हो । वार्षिकोत्सवको अवसरमा सेन्ट्रल मलले छुट योजना पनि ल्याउने भएको छ ।