विराटनगर । मोरङ कारागारका चौकीदार अभिषेक गिरीले कारागार व्यवस्थापन विभागले गरेको सरुवा गृह गैरकानुनी भन्दै सरूवा रोक्न माग राख्दै उच्च अदालत विराटनगरमा रिट दर्ता गराएका छन् ।

गिरीले उच्च अदालत विराटनगरमा सरुवा रोक्न अन्तरिकम आदेशको माग राख्दै ३ माघमा उच्च अदालत विराटनगरमा रिट निवेदन दर्ता गराएका हुन् । उनले कारागार व्यवस्थापन विभाग, जिल्ला प्रशासन कार्यालय र मोरङ कागारालाई विपक्षी बनाएर रिट दर्ता गराएका हुन् ।

कारागार व्यवस्थापन विभागको नियममा समान्यता एक वर्ष भन्दा कम अवधिमा छुटने कैदीबन्दीहरुको सकेसम्म सरुवा नगर्ने भन्ने उल्लेखछ । कारागार व्यवस्थापन विभागको निर्णाय विपरीत सरुवा गर्न खोजेको भन्दै गिरीले उच्च अदालत विराटनगरमा सरुवा बदरको माग राख्दै ‘उत्प्रेसण परमादेश’ को माग गरेका हुन् ।

स्थानान्तरणको निर्णय बदर गरिपाउँ भन्दै ‘उत्प्रेसण परमादेश’ माग गरेर माघ ३ गते मंगलबार रिट परेको अदालतका सूचना अधिकारी ओमराज सुवेदीले जानकारी दिए । रिट परेको भोलीपल्ट उच्च अदालत विराटनगरका न्यायाधीश किरण कुमारी पुप्ताको एकल इजालशले माघ ९ गते दुवै पक्षलाई छलफलको लागि उपस्थित हुन आदेश गरेकी छिन् । ‘दुबै पक्षलाई रोहवरमा राखी छलफल गराई उचित निष्कर्षमा पुग्न मनासिव हुने देखिएकाले अन्तरिम आदेश जारी हुनु पने वा नपर्ने सम्बन्धमा छलफलका लागि मिति २०७२।१०।०९ गतेको पेसी तोकी पेसीको सूचना विपक्षीहरुलाई दिई नियमानुसार पेश गर्न,’ आदेशमा उल्लेखछ ।
गिरीको तर्फबाट वरिष्ठ अधिवक्ता रमेश कोइराला र अधिवक्ताद्वय कल्याण के.सी. र मदन कुमार पन्तले बहस गरेका थिए ।

‘यसमा के कसो भएको हो ? माग बमोजिमको आदेश जारी हुनु पर्ने हो वा होइन ? माग बमोजिमको आदेश जारी हुनु नपर्ने भए आदेश जारी हुनु नपनका आधार र कारण खुलाई भए लिखित प्रमाण समेत साथै राखी वाटाका म्याद वाहेक १५ दिन भित्र उच्च सरकारी वकील कार्यालय विराटनगर मार्फत लिखित जवाफ पेश गर्नु भनी यो आदेश र निवेदनको प्रतिलिपी साथै राखी विपक्षीहरूका नाउँमा सूचना जारी गरी लिखित जवाफ परे वा अवधि व्यतित भएपछि नियमानुसार पेस गर्नु,’ आदेशमा उल्लेखछ ।

कैद भुक्तान हुन एक महिना पनि नहुदै मोरङ कारागारका चौकीदार अभिषेक गिरीको स्थान्तरण गर्नुपर्ने भन्दै गृह मन्त्रीको निर्देशनमा कारागार व्यवस्थापनले मोरङ कारागारमा पत्र पढाएको थियो । अपहरण तथा शरीर बन्धक मुद्दामा कैद भुक्तान गर्दै आएका गिरीको मकवानपुरको भीमफेदी कारागार स्थानान्तरण गरिने पत्र आएको छ । गिरीको फागुन ३ गते कैद भुक्तान सिकिदैछ ।
विराटनगरका स्थानीय एमालेका नेताले दबाव दिएर गृहमन्त्री रवि लामिछानेको निर्देशनमा कारागार व्यवस्थापन विभागले गिरीलाई ‘जतिसक्दो चाँडो’ स्थानान्तरण गर्नु भनेर मोरङ कारागारलाई पत्र पठाएको हो । गिरीलाई २०७८ मंसिर ९ गते मोरङ कारागार ल्याइएको थियो ।