विराटनगर । प्रदेश १ का नवनियुक्त मुख्यमन्त्री हिक्मत बहादुर कार्कीले पद तथा गोपनियताको शपथग्रहण गरेका छन् ।
प्रदेश प्रमुख पर्शुराम खापुङ्गबाट सोमबार मुख्यमन्त्री कार्कीले शपथग्रहण गरेका हुन् ।

प्रदेश प्रमुखको कार्यालयमा मुख्यमन्त्री कार्कीसँगै अन्य तीन मन्त्रीले शपथग्रहण गरेका छन् ।
मुख्यमन्त्री कार्कीसँगै पद तथा गोपनीयताको शपथ लिने मन्त्रीहरूमा एमालेबाट तीलकुमार मेन्याङ्बो, राष्ट्रिय प्रजातन्त्र पार्टीबाट भक्तिप्रसाद सिटौला र जनता समाजवादी पार्टीकी निर्मला लिम्बूले लिएका छन् । उनीहरू अहिलेलाई बिना विभागीय मन्त्रीमा नियुक्त भएका हुन् ।

प्रदेश प्रमुख कार्यालयमा आइतबार साझ मुख्यमन्त्री पदमा कार्कीले दाबी पेस गरेका थिए । ९३ सदस्यीय प्रदेशसभामा कार्कीलाई एमालेका ४०, माओवादी केन्द्रका १३, राप्रपाका ६ र जसपाको १ जना गरी ६० जना सांसदको समर्थन रहेको छ ।