विराटनगर । प्रदेश १ को १४ जिल्लामा ५ हजार १ सय ३१ वटा सामुदायिक विद्यालयहरू रहेको मध्ये २७ वटा सर्वोउत्कृष्ट सामुदायिक विद्यालय रहेको पाइएको छ । प्रदेश १ सरकारले बनाएको मापदण्ड (सुचक) पुरा गर्ने प्रदेशमा २७ वटा मात्र सामुदायिक विद्यालय रहेको पाइएको हो ।

जसमा १४ वटा मावि र १३ वटा आधरभूति विद्यालयले तोकिएको मापदण्ड पुरा गर्दै उत्कृष्ट सामुदायिक विद्यालयमा सुचिकृत गरिएको सामाजिक विकास मन्त्रालय प्रदेश १ का सचिब बासुदेव दाहालले जानकारी दिए ।
प्रदेशको प्रत्येक जिल्लाका १÷१ माविका उत्कृष्ट विद्यालय रहेको छ । आधरभूतफ १३ जिल्लाका १३ वटा विद्यालय उत्कृष्ट सुचिमा परेको छ । मावितर्फ ३२ वटा सुचक र आधरभूततर्फ ३० वटा सुचक पुरा गर्ने विद्यालयलाई उत्कृष्ट व्यवस्थापन भएको विद्यालयको रुपमा सुचिकृत गरिएको सचिब दाहालले बताए ।

यसरी मावितर्फ उत्कृष्ट विद्यालयमा मोरङबाट विराटनगर ३ मा रहेको पोखरीया मावि रहेको छ । पोखरीया स्कुलका प्रधानध्यापक खेमराज भट्टराई रहेका छन् । यहाँ भर्ना हुन विद्यार्थीहरूले प्रवेश परीक्षा उत्तिर्ण गरिनुपर्दछ ।
यसैगरी ताप्लजुङ्गको फुङलिङ नगरपालिका ४ को भानुजन मावि, पाँचथरको फिदिम नगरपालिका १ को फिदिम मावि, इलामकको देउमाइ नगरपालिका ४ मा रहेको भानुभक्त मावि उत्कृष्ट विद्यालय घोषित भएका छन् । यसैगरि सुनसरीको इटहरी उपमहानगरपालिका ९ मा रहेको जनता मावि, धनकुटाको सागुरीगढी गाउँपालिका ५ मा रहेको भानु मावि, तेह्रथुमको लाँलीगुराँस नगरपालिका २ बसन्तपुरमा रहेको बसन्त मावि, भोजपुरको साल्पासिलिछो गाउँपालिका १ मा रहेको वीरेन्द्र मावि, संखुवासभाको खाँदवारी नगरपालिका ९ मा रहेको मनकामना रत्न अम्विका मावि, सोलुखुम्बुको नेचासल्यान गाउँपालिका ४ मा रहेको केदार मावि, ओखलढुङ्गको मोलुङ गाउँपालिका २ मा रहेको बरुणेश्वर मावि, खोटाको दिरुमनपा २ मा रहेको जनजागृती मावि र उदयपुरको चौदण्डीगढी नगरपालिका ९ मा रहेको जनता मावि उत्कृष्ट विद्यालयमा सुचितकृत भएको सामाजिक विकास मन्त्रालयले जानकारी गराएको छ ।

यसैगरी आधरभूत विद्यालयतर्फ मोरङको ग्रामथान गाउँपालिका २ झोराहाटमा रहेको रवि आधरभूत विद्यालय उत्कृष्ट विद्यालयमा परेको छ । यो विद्यालयका प्रधानध्यापक जितेन्द्र कुमार सरदार रहेका छन् । २०४५ सालमा स्थापना भएको रवि आधरभूत विद्यालयमा ४१८ जना विद्यार्थीहरू अध्ययरत रहेका छन् । यहाँ अध्ययरत सम्पूर्ण विद्यार्थीहरू दलित सामुदायका रहेका छन् । नर्सरीदेखि कक्षा कक्षा पाँचसम्म अंग्रेजी माध्यमबाट पठनपाठन सुरू भएपछि विद्यार्थीको आकर्षण रहेको छ । नर्सरीमा मात्र ८० जना विद्यार्थी अध्ययरत रहेका छन् । यो संख्या नर्सरीमा अध्ययरत गर्ने प्रदेश १ भरीको सामुदायिक विद्यालय भन्दा बढी विद्यार्थी हुन् ।
यसैगरी आधरभूतर्फ उत्कृष्ट हुने विद्यालयहरूमा ताप्लजुङ्गको पाथिभरायाङवरक गाउँपालिका १ मा रहेको हिमालय आवि, पाँचथरको फाल्गुनन्द गाउँपालिका २ मा रहेको त्रिभूवन आवि, इलामको सुर्योदय नगरपालिका ११ मा रहेको भवानी आवि, झापाको हल्दीवारीमा गाउँपालिका ३ मा रहेको गरमकाली आवि रहेको छ । यस्तैगरी सुनसरीको बराहक्षेत्र नगरपालिका २ मा रहेको जलदेवी आवि, धनकुटाको चौविसे गाउँपालिका ३ मा रहेको जनकल्याण आवि, तेह्रथुमको म्याङलुङ नगरपालिका ६ मा रहेको सरस्वती आवि, भोजपुरको भोजपुर नगरपालिका ७ मा रहेको जनसेवा आवि, संखुवासभाको खाँदवारी नगरपालिका ३ मा रहेको लक्ष्मी आवि, सोलुखुम्बुको महाकुलुङ गाउँपालिका ४ मा रहेको बासुकी आवि, खोटाङको दिरुम नगरपालिका १० मा रहेको जाल्पा आवि र उदयपुरको त्रियुगा नपा १३ मा रहेको जनप्रेमी आवि स्कुल उत्कृष्ट विद्यालय भएको छ ।

उत्कृष्ट माविलाई १४ लाख र आविलाई साढे सात लाख
विराटनगर । प्रदेश १ मा उत्कृष्ट भएका सुचिकृत भएका २७ वटा विद्यालयहरूलाई प्रदेश सरकारले नगदसहित प्रोत्साहनसहित सम्मान गरेको छ ।
प्रदेशका उत्कृष्ट भएका १४ मावि र १३ वटा आधरभूत विद्यालयलाई नगदसहित सम्मान गरिएको हो । सामाजिक विकास मन्त्रालयले विराटनगरमा बुधबार एक कार्यक्रम आयोजना गरिएको उत्कृष्ट हुने माविलाई जनही १४ लाख र आधरभूति विद्यलायहरूलाई जनही ७ लाख ५० हजार रुपैयाँले प्रोत्साहन सम्मान गरिएको हो ।
सम्मान गरिएको विद्यालयहरूको प्रधानध्यापकलाई प्रदेश १ का मुख्यमन्त्री राजेन्द्र राई, सामाजिक विकास मन्त्री राजन राई, राज्यमन्त्री विष्णु तुम्बाङफेलगायतले नगद, शिल्ड र प्रमाणपत्र बितरण गरिएको थियो ।