विराटनगर । विराटनगरमा दोस्रो संस्करणको विराट सडक महोत्सव हुने भएको छ । माघ १२ देखि १४ गतेसम्म सडक महोत्सव हुने भएको हो ।

तीनदिनसम्म संचालन हुने महोत्सवमा आदीवासि जनजाति सामुदायहरूको खानाको परिकारको साथै सांस्कृतिक कार्यक्रमहरू हुने विराटनगरमा सोमबार पत्रकार सम्मेलन गरी जानकारी गराएको छ । मन्जिना मूभिज क्रिएसनको आयोजनामा हुन लागेको महोत्सवमा ४० वटा स्टल रहने आयोजक संस्थाका निर्देशक जतिन ताम्राकारले जानकारी दिए । साँस्कृति परम्पराको प्रवद्र्धन गर्दै हुन लागेको सडक महोत्सवमा नेवारी, राजवंशी, मैथिली, लिम्बुलगायतका विभिन्न जातजाति तथा सामुदायहरूको खानाको परिकारहरू रहनेछ । ‘एतेहासिक तथा सांस्कृतिक नगरी विराटनगरको एतिहासिकता तथा सांस्कृतिक सभ्यतालाई जीवन्त राख्दै साँस्कृतिक परम्पराको प्रवद्र्धन गर्न सडक महोत्सव गरिएको हो,’ उनले भने, ‘विभिन्न सामुदायको खानाको परिकारसँग दैनिक साझमा हुने स्थानीय र राष्ट्रिय स्तरका कलाकाहरूको प्रस्तुतीले थप मनोञ्जन प्रदान गरिनेछ ।’

सडक महोत्सवमा दैनिक कलाकाहरूको नृत्य, गायन पनि प्रस्तुती हुनेछ । जहाँ खानाको परिकारसँग सडकमै बसेर सहभागिहरूले रमाइलो गर्नेछन् ।