नेकपा कार्यदलले बुझायो प्रतिवेदन - News Birat

नेकपा कार्यदलले बुझायो प्रतिवेदन

न्यूज विराट
काठमाडौं, ६ भदौ-सत्तारूढ दल नेपाल कम्युनिष्ट पार्टी (नेकपा)भित्र देखिएको विवादका विषय अध्ययन गर्न बनेको कार्यदले अध्यक्षद्वय केपी शर्मा ओली र पुष्पकमल दाहाल प्रचण्डलाई प्रतिवदेन बुझाएको छ ।

आज अपराह्न ४:४५ मा प्रतिवेदन बुझाएको पार्टी अध्यक्ष एवं प्रधानमन्त्रीका प्रेस सल्लाहकार सूर्य थापाले जानकारी दिए । अध्यक्षद्वयले ३० साउनमा पार्टी महासचिव विष्णु पौडेल संयोजकत्वमा कार्यदल गठन गरिएका थिए । कार्यदलले प्रतिवेदन सर्वसम्मतिले तयार परेर बुझाएको थापाले जानकारी दिए ।

‘नेपाल कम्युनिस्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल’प्रचण्ड’द्वारा साउन ३० गते गठित कार्यदलले आफ्नो प्रतिवेदन सर्वसम्मतिले तयार गरेको छ । आज भदौ ६ गते साँझ ४:४५ बजे  प्रतिवेदन अध्यक्षद्वयलाई बुझाइएको छ’ उनले भने ।

पार्टी महासचिव पौडेल संयोजक रहेको कार्यदलमा प्रदेश-५ का मुख्यमन्त्री शंकर पोखरेल, नेताहरू भीम रावल, सुरेन्द्र पाण्डे, पम्फा भुसाल र जनारदत शर्मा सदस्य रहेका छन् । पौडेल र पोखरेल ओली पक्षका नेता मानिन्छ भने रावल र पाण्डे वरिष्ठ नेता माधव नेपाल पक्षका मानिन्छन् । त्यस्तै, भुसाल र शर्मा प्रचण्ड पक्ष नेताहरू हुन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles