विराटनगर । अपाङ्गता भएका व्यक्तिहरूको रोजगारीमा पहुँच अभिवृद्धि गर्ने उद्देश्यले आयोजना गरिएको दुई दिने अपाङ्गता समावेशी रोजगार मेला सम्पन्न भएको छ ।

नेपाल उद्योग वाणिज्य महासंघ प्रदेश नं १, राष्ट्रिय अपाङ्ग महासघं, करुणा फाउन्डेसन नेपाल, र द लेप्रोसी मिशन नेपालले संयुक्त रूपमा आयोजना गरेको उक्त रोजगार मेला शनिबार सम्पन्न भएको हो ।

मेलामा अपाङ्गता भएका ३ सय २२ जनाको सहभागि रहेको नेपाल उद्योग वाणिज्य महासंघ प्रदेश १ का कार्यकारी निर्देशक श्याम भण्डारीले जानकारी दिए । मेलामा ३५ वटा उद्योगको स्टल रहेको थियो ।
रोजगार मेलाको प्रदेश १ भरीका अपाङ्गता भएका व्यक्तिहरूले ३५ रोजगारदाताहरूले स्थापना गरेका स्टलमा भ्रमण गरी अन्तर्वार्ता तथा परामर्श सेवामा सहभागि रहेको उनले बताए ।

नेपाल उद्योग वाणिज्य महासङ्घका केन्द्रीय सदस्य तथा उपाध्यक्ष राजेन्द्र राउतले महासङ्घ आबद्ध सदस्यलाई अपाङ्गता भएका व्यक्तिहरुको दक्षता र शैक्षिक योग्यताका आधारमा रोजगारी उपलब्ध गराउने बताए ।