विराटनगर । जिल्ला बचत तथा ऋण सहकारी संघ लि. मोरङको पदाधिकारी सर्वसम्मत रूपमा चयन भएपनि संचालक समितिको खुल्ला सदस्यहरूमा भने निर्वाचन हुने भएको छ । अन्तिम समयसम्म पनि सर्वसम्मत हुन नसकेपछि निर्वाचन हुने भएको हो ।

शनिबार निर्वाचन तोकिएको छ । कोषाअध्यक्ष, संचालक समितिका महिला सदस्य र संचालक समितिका खुल्ला सदस्यमा निर्वाचन हुने भएको हो ।

कोषाध्यक्षमा उमेश गुरूङ र ढकबहादुर थापाले उम्मेदवारी दिएका छन् । ६ सदस्य पदको लागि १४ जनाको उम्मेदवारी परेको छ । गणेश प्रसाद निरौला, गोपाल बारकोटी, मेघराज तिम्सिना, गोपाल कुमार घिमिरे, हरिप्रसाद कोइराला, अविनाश कुमार निधी, टंकबहादुर अधिकारी, सागर सुवेदी, पुष्पराज काफ्ले, शिवप्रसाद लामिछाने, दुर्गाप्रसाद पोखरेल, उमेश वस्ती, शिवलाल कटुवाल र प्रविणकुमार कार्कीले उम्मेदवारी दिएका छन् ।

यस्तै संचालक समिति महिला सदस्य पाँच जनाको लागि ६ जनाको उम्मेदवारी परेको छ । कृष्णमाया विष्ट, सावित्रा चापागाई, इन्दिरा भट्टराई, दिक्षा आचार्य, बालकुमारी लिम्बु र मीना कार्कीले उम्मेदवारी दिएका छन् ।
संघमा २ सय ६९ सहकारी आवद्ध रहेका छन् । उनीहरूका प्रतिनिधीले मतदान गर्न पाउनेछन् ।

जिल्ला सहकारीको अध्यक्षमा कोइराला निर्विरोध निर्वाचित
जिल्ला बचत तथा ऋण सहकारी संघ लि. मोरङको अध्यक्षमा प्रेमप्रकाश कोइराला निर्विरोध निर्वाचित भएका छन् । २९ औं वार्षिक साधरणसभाबाट कोइराला निर्विरोध निर्वाचित भएका हुन् । उनी सुनपकुवा स्वावलम्बी साकोस उर्लाबारीमा आवद्ध रहेका छन् ।

यस्तै वरिष्ठ उपाध्यक्षमा एकराज निरौला, महिला उपाध्यक्षमा सीतादेवी अधिकारी लामिछाने, सचिबमा जीवन बस्नेत, सहसचिबमा युवराज दाहाल, लेखा समिति संयोजकमा बीना राई, लेखा समिति सदस्यहरुमा खेमराज गौतम र हेमबहादुर श्रेष्ठ निर्विरोध निर्वाचति भएका छन् ।