विराटनगर । आठ तलाको बन्न लागेको विराटनगरस्थित कोशी अस्पतला भित्रको मेडिकल भवन पाँच सय शैय्याको हो ।
उक्त भवनको शिलन्यास बिहीबार सहरी विकास मन्त्री मेटमणी चौधरी र स्वास्थ्य तथा जनजसंख्या मन्त्री भवानी प्रसाद खापुङ्गले संयुक्त रूपमा गरे ।

दुई तलाको अन्डरग्राउण्ड पार्किङ्ग रहनेछ । पहिलो अन्डरग्राउट पार्किङमा ३४ वटा कार, ७७ वटा मोटरसाइकल र मेडिकल स्टोर रहनेछन् । त्यस्तै पहिलो अन्डरग्राउण्ड पार्किङ्गमा २५ कार ८५ वटा बाइकल र मेडिकल कोठा हुनेछ ।
यस्तै ग्राउण्ड फ्लोरमा रजिष्टे«शन, रोडियोलोजी, ब्लट बैंक, ल्याब, फार्मेशी र जनेरल स्टोर रहनेछ ।
पहिलो तलामा पीसिआई, एनआइसियू वार्ड र बच्चाको वार्ड रहनेछ । यो वार्डमा ९१ शैय्याको रहनेछ ।
यस्तै दोस्रो तलामा ९१ शैय्याको अर्थोपेडिक वार्ड रहेको छ । तेस्रो तलामा ९१ शैय्याको मेडिकल वार्ड रहनेछ । यस्तै चौथो तलामा १ सय ३ शैय्याको ट्रमा सर्जिकल वार्ड रहनेछ । जसमा आँखा, नाक, कान, घाटी, बन, डेन्ट्रल र जेनेरल सर्जरी वार्ड रहनेछ ।
यसैगरी पाँचौ तलामा १ सय शैय्याको ट्रमा सर्जिकल वार्ड रहेको छ । जसमा एसआइसियू, सिटिभिएस, न्यूरो सर्जरीलगायतका वार्ड रहनेछन् ।
यस्तै छैठौं तलामा ३० शैय्याको शल्यक्रिया वार्ड रहनेछ । यहाँ ९ वटा मेजर शल्यक्रिया हुनेछ भने अन्य सामान्य शल्यक्रिया पनि यही वर्डामा हुनेछ । यो वार्डमा सिएसएसडी, पोस्टप वार्ड पनि रहनेछ । यसैगरी सातौं र आठौं तलामा सेमिनर र मिटिङ्ग हल रहनेछ ।
आठ तलाको भवनमा ६ वटा लिफ रहनेछ । डाक्टर र विरामीको छुट्टा छुट्टै लिफ्ट रहनेछ ।
शहरी विकास तथा भवन निर्माण विभागले मुल्य अभिवृद्धि कर बाहेक २ अर्ब १७ करोड ६९ लाख ९२ हजार २ रुपैयाँ १३ पैसाँमा कुल लागत अनुमागन गरेकोमा ठेकेदार कम्पनी केसी कन्ट्रक्सन काठमाण्डौंले ३ लाख ७१ हजार ७१९ रूपैयाँ कम लागतमा २ अर्ब १७ करोड ६६ लाख २० हजार २८३ रुपैयाँमा ठेक्का लिएको हो ।