विराटनगर, २५ मंसिर । विराटनगर महानगरपालिकामा कार्यरत महिला कर्मचारीहरुलाई महिनावारी कप वितरण गरिएको छ । रोटरी क्लब अफ विराटनगर डाउनटाउनले एक कार्यक्रम गरी महानगरमा कार्यरत ४४ जना महिला कर्मचारीहरुलाई मुफ्त महिनावारी कप वितरण गरेको हो ।

सो अबसरमा प्रमुख वक्ता रहेकी रोटरी क्लब अफ विराटनगर डाउनटाउनकी मेंबरशिप चेयर र रोटरी एक्शन ग्रुप मेंस्ट्रुअल हेल्थ एंण्ड हाइजीनको मैम्बर गिरिजा सारडाले महिनावारी कप सही ढंगले प्रयोग गरे वर्षौसम्म टिक्ने र प्रयोग गर्न सकिने बताइन् ।

कार्यक्रममा विराटनगर महनगरपालिकाका मेयर नागेश कोइराला र उपमेयर शिल्पा निराला कार्कीले महिलाहरुका लागि प्रदान गरिएको स्वास्थ्य सामग्रीले उनीहरुलाई स्वस्थ र रोगमुक्त रहन सघाउने बताए ।

महिनावारी कप वितरण कार्यक्रममा मेयर कोइराला, उपमेयर कार्की, रोटरीयन कुसुम अग्रवाल, अनु सारडा, सपना सिंघल,सरिता गोल्छा,सुगंधा तोदी र रतन पुनम राठीलगायत क्लबका पदाधिकारी र सदस्यहरु गरि ६० जना भन्दा बढीको उपस्थिती रहेको मीडिया स्पोक्स पर्सन सपना सिंगल ले जानकारी दिइन् ।