रामकुमारी राई
रंगेली । मोरङको रंगेली नगरपालिका– ८ चाइनागेट टोलस्थित दलित बस्तीका बाढी पीडितहरुलाई राहत वितरण गरिएको छ । दुई साताअघि बाढी पसेर डुबानमा परेका ६० घर दलितहरुलाई पूर्वोत्तर मोरङ लेटाङको इसाई एकता समाजले आज सोमबार राहत वितरण गरेको हो ।
रंगेली नगरपालिका–८ स्थित चिसाङ खोलाको छेउमा रहेका ६० घर दलित बस्तीलाई प्रतिघर एक बोरा चामल, खाने तेल र नुन राहत स्वरुप प्रदान गरिएको हो । लेटाङका इसाई समाजबाट संकलित एक लाख रुपैयाँबाट खाद्यान्न खरिद गरिएको कार्यक्रम संयोजक दिनेश राईले जानकारी दिनुभयो ।
इसाई एकता समाज लेटाङका अनुसार बाढी पिडितहरुलाई प्रति परिवार ५० केजी चामल, एक केजी नुन र एक लिटर खाने तेल हस्तान्तरण गरेको हो ।
राहत वितरण पछि रंगेली नगरपालिका वडा नं. ८ का वडाध्यक्ष टंक आचार्यले राहत संकलन गरी दलित बस्तीका बाढी पिडितहरुलाई सहयोग गर्नुहुने सबै उपकारी मनप्रती आभार प्रकट गर्नुभयो ।
लगातारको वर्षापछि चिसाङ खोलामा आएको बाढी पसेर ऋषिदेव, पासवान बस्तीमा बिचल्ली भएको थियो । इसाई एकता समाजले यस्ता मानविय कार्यमा हरेक बर्ष सहयोग गर्दै आएको समाजका अध्यक्ष दिलिप थापाले बताउनु भयो ।
रंगेली नगरपालिका वडा नं. ८ का अध्यक्ष टंक आचार्य प्रमुख अतिथि रहनु भएको कार्यक्रमको अध्यक्षता समाजका अध्यक्ष दिलिप थापाले गर्नुभएको थियो भनें कार्यक्रम सञ्चालन डम्बर राईले गर्नुभएको थियो ।
बाढी पिडित दलित बस्तीमा इसाई एकता समाजद्वारा राहत वितरण हेर्नोस् भिडियो Rahat https://www.youtube.com/watch?v=pTEvUzQtiFI
विराटनगर । पाहुना टोली भारत केरलाको लुका सकर क्लब सातौं संस्करणको विराट गोल्डकपको फाइनलमा प्रवेश गरेको छ । विराटनगरस्थित सहिद मैदानमा मंगबलार सम्पन्न भएको अन्तिम सेमिफाइनल खेलमा साविक विजेता विभागीय टोली एपीएफलाई टाईब्रेकरमा ४–२ गोलले...
विराटनगर । कोशी प्रदेश नामकरण खारेजीको माग गर्दै प्रदर्शनमा उत्रिएका पहिचान पक्षधरका आन्दोलनकारी र प्रहरीबीच विराटनगरमा आज दिउँसो झडप भएको छ । विराटनगरको होटेल बिगमा दिगो विकास लक्ष्य प्राप्तिका लागि स्रोत व्यवस्थापनसम्बन्धी अन्तरक्रियात्मक कार्यशालामा सहभागी...
विराटनगर । पाहुना टोली भारत केरलाको लुका सकर क्लब साताँै संस्करणको विराट गोल्डकपको सेमिफाइनलमा पुगेको छ । विराटनगरस्थित सहिद मैदानमा आइतबार राती भएको अन्तिम क्वाटरफाइनल खेलमा ‘ए’ डिभिजन क्लब संकटालाई सडनडेथमा हराउँदै भारत सेमिफाइनल यात्रा...
विराटनगर । विराटनगरस्थित न्यूरो हस्पिटलले विश्व छारेरोग दिवसको अवसर पारेर सचेतनामुलक र्याली निकालेको छ । आइतबार विहान विराटनगरमा सचेतनामुलक र्याली निकालेको हो । न्यूरो हस्पिटलदेखि सुरू भएको र्यालीले विराटनगर महानगरपालिका भित्र नगर परिक्रमा गरेको थियो...
पत्रकारिताको नयाँ आयामको रुपमा न्युजबिराट डट कम उपस्थित भएको छ । जनताको सूचनाको हक स्थापित गर्ने र आवाजविहिनहरुको आवाज बलियो बनाउने उद्देश्यसहित हामी आएका हौं । सत्य र न्यायप्रतिको पक्षधरतासहितको स्वतन्त्र प्रत्रकारिता हाम्रो मिसन हो ।