विराटनगर । नवौँ राष्ट्रिय खेलकुदमा प्रदेश १ बाट तेक्वान्दोमा मात्र तीन वटा स्वर्ण पदक जितेको छ । मोरङका कुसुम राजबंसि, झापाका रोसन मगर, र भोजपुरका वीर बहादुर तामाङले स्वर्ण पदक जितेका हुन् ।

ईन्दिरा थापा र सजिना तामाङले रजक पदक जितेका छन् । कास्य पदक ल्याउनेमा नितेश खवास, हिरादन राई, दिलन राई र सदिप तामाङ रहेको नेपाल अन्तर्राष्ट्रिय तेक्वान्दो मार्सल आटका केन्द्रीय उपाध्यक्ष तथा रेफ्री प्रमुख प्रविण कुमार कार्कीले जानकारी दिए ।
नवौँ राष्ट्रिय खेलकुदमा १ नं.प्रदेशले १० स्वर्णसहित ८३ पदक हासिल गर्दै पदक तालिकाको छैटौं भएको छ ।
पोखरामा बिहीबार सम्पन्न भएको नवौँ राष्ट्रिय खेलकुद प्रतियोगितामा १० स्वर्ण, २३ रजत र ५० कास्य पदक गरी जम्मा प्रदेश १ ले ८३ पदक ल्याएर छैटौं भएको हो ।