विराटनगर, २३ असोज । विभिन्न सामाजिक कार्यहरु गर्दै आएको रोटरी क्लब अफ विराटनगर डाउनटाउनले विश्व मस्तिष्क पक्षाघात दिवस मनाएको छ ।

विराटनगर आदर्श माविस्थित सिपि डे केयर सेन्टरमा बालबालिकाहरुसँग विश्व मस्तिष्क पक्षाघात दिवस मनाएको हो ।

सो अबसरमा क्लबले मस्तिष्क पक्षाघात भएका १५ जना बालबालिकाहरुलाई रोटरी प्रतिक, क्लबको नाम छापिएको टिसर्टहरु, स्वच्छता किटहरु, उपहार ह्याम्परहरु र खेलौनाहरु वितरण गरेको थियो ।

उक्त अबसरमा सिपि सेन्टरलाई हरियो बेलुनले सजाएर, केक काट्दै गीत संगीतहरु बजाएर बालबालिकाहरुले मनोरञ्जनसमेत गरेको क्लबकी रेखा राठीले जानकारी दिइन् ।

सो अबसरमा क्लबका पदाधिकारी, सदस्यहरु र बालबालिकाका अभिभावकहरुको उपस्थिती रहेको थियो ।