विराटनगर । सामाजिक कार्यमा सक्रिय रहेको रोटरी क्लब अफ विराटनगर डाउनटाउनले साक्षरता अभियान सुरु गरेको छ । महिला एवम् युवतीहरुका लागि क्लबले साक्षरता अभियान सञ्चालन गरेको हो ।
क्लबले सेप्टेम्बर महिनाभरी आधारभूत शिक्षा र साक्षरता महिनाका रुपमा अभियान सञ्चालन गर्ने योजना बनाएको छ । सोही अभियान अन्तर्गत शुक्रबार क्लबले विराटनगरस्थित खार्जी कोहवारा गाउँका महिला र युवयीहरुका लागि साक्षरता कक्षा सञ्चालन गरेको छ ।
कार्यक्रममा ५० जना निरक्षर महिला र युवतीहरुको सहभागिता रहेको क्लबकी अध्यक्ष रेखा राठीले जानकारी दिइन् । उनले आफ्नो कार्यकालभरी विराटनगर ४ खारर्जीमा यस्तै सामाजिक कार्यसँगै साक्षरता अभियान संचालन गर्ने बताइन् । यसअघि पनि खारर्जीको आर्थिक विपन्न परिवारका मिहलाहरूलाई आत्मनिर्भर बनाउने उद्देश्यले रोटरीले तीन महिनाको सिकाइकटाइ तालिम सुरू गरेको छ । यो तालिम अहिले पनि जारी रहेको छ ।
महिला र युवतीहरुलाई सक्षार बनाउका लागि कक्षा सञ्चालन गरिएको क्लबकी सचिव नमिता टिवडेवालले बताइन् । सो अबसरमा क्लबका पदाधिकरी र सदस्यहरुको उपस्थिती रहेको थियो ।