विराटनगर । विराटनगर ९ मा रहेको एम्स कलेजका विद्यार्थीले उत्कृष्ट नतिजा ल्याएका छन् । त्रिभुवन विश्व विद्यालयले हालै प्रकाशित गरेको बि.एच.एम संकायकोे बिभिन्न सेमेष्टरको नतिजामा तीन जना विद्यार्थीले उत्कृष्ट नतिजा ल्याएका हुन् ।

एम्सकी विद्यार्थी प्रेक्षा पौडेल वि.एच.एम दोश्रो सेमेष्टरको नतिजामा ३.९५ जि.पि.ए.ल्याएर बोर्ड चौथो भइन् । यस्तै ममता राईले ३.८२ जि.पि.ए.ल्याएर पं्रथम सेमेष्टरको नतिजामा प्रदेश तेश्रो भइन् । इश्वर चौलागाइले ३.८३ जि.पि.ए.ल्याएर चौथो सेमेष्टरको नतिजामा प्रदेश पं्रथम हासिल गरेको कलेजले जनाएको छ । उत्कृष्ट नतिजा ल्याउने चौंलागाई र पौडेललाई कलेजले मंगलबार एक कार्यक्रम आयोजना गरी सम्मान गरेको हो ।
यसरी प्रदेश तथा बोर्डमा आफ्नो नामको गरिमालाई उच्च राख्न सफल विद्यार्थीहरुलाई नगद पुरस्कारसहित कलेजले सम्मान गरेको हो । कार्यक्रममा उपस्थित भएका अभिभावकहरूले कलेज तथा विद्यार्थीले गरेको मेहनेतको उच्च कदर गर्दै र राम्रो कलेजमा आफ्ना बच्चा पढाउन पाएकोमा खुशीव्यक्त गरे । कलेजले अभिभावकलाई पनि सम्मान गरेको थियो ।

कार्यक्रममा कलेजका अध्यक्ष तुलसी प्रसाद पोखरेलले विद्यार्थीको सर्वाङ्गिण विकासका लागि कुनै कसर बाँकी नराख्ने र प्रदेशको नमुना कलेज बनाउन लागी पर्ने बताए । विद्यार्थीहरुको समुन्नत विकासका लागि कलेजले विद्यार्थी केन्द्रित भएर गरिखाने शिक्षाप्रदान गर्न लागि परेको कलेजका प्रबन्ध निर्देशक डा. दिक्षान्त पोखरेलले बताए । उनले उत्कृष्ट नतिजा ल्याएर आफ्नो र कलेजको गरिमालाई उच्च राख्ने मेधावी विद्यार्थीहरुलाई धन्यवाद ज्ञापन गर्दै उज्वल भविष्यको कामना दिए ।
एम्स कलेजको आफ्ना विद्यार्थीहरु प्रतिको लगाव, शिक्षक र विद्यार्थीको कडा मेहनेतका कारण प्रत्येक सेमेष्टरमा उत्कृष्ट नतिजा आएको क्याम्पस प्रमुख सि.एम. बस्नेतले बताए । ‘एम्स कलेज विद्यार्थीको अध्ययन पुरा गर्ने थलो मात्र नभएर जिवन सिकाई गर्ने उर्वर स्थल पनि हो,’ उनले भने ।
यस अघि पनि एम्स कै विद्यार्थी प्रदेश पं्रथम गर्नुका साथै विश्वविद्यालयले लिएको परीक्षामा सत प्रतिशत विद्यार्थी उत्तिर्ण गर्दै आएको थियो ।