विराटनगर । रोटरी क्लब अफ मिडटाउन विराटनगरको २१ औँ पदस्थापन कार्यक्रम सम्पन्न भएको छ । विराटनगरस्थित स्वागतम होटेलमा सोमबार एक कार्यक्रम आयोजना गरी पदस्थापन गरिएको हो ।
रोटरी क्लब अफ मीड टाउनको २१ औँ अध्यक्षमा रामकुमार श्रेष्ठ चयन भएका छन् । श्रेष्ठ सन् २०२२–२०२३ सम्मको लागि अध्यक्षमा सर्वसम्मत रूपमा चयन भएका हुन् । श्रेष्ठ अवकाशप्राप्त डिएसपी पनि हुन् ।

पदस्थापन कार्यक्रममा बोल्दै अध्यक्ष श्रेष्ठले आफ्नो कार्यकालमा रोटरीले सामाजिक कार्यमा काम गरेर अगाडी बढाउने योजना रहेको सुनाए । ‘आफ्नो कार्यकालमा सामाजिक कार्यमा जोड दिनेछु,’ अध्यक्ष श्रेष्ठले भने, ‘ग्रामीण क्षेत्रका बस्तीहरूमा पुगेका सामाजिक कार्यक्रमहरू गर्ने आफ्नो योजना रहेको छ ।’

क्लबको निवर्तमान अध्यक्ष ९आइपीपी० जयकमल अग्रवाल रहेका छन् । यस्तै पेसिडेन्ड एलेक्ट आगामी अध्यक्ष शशी शर्मा हुने भएका छन् । क्लबको प्रथम उपाध्यक्षमा कुमार खतिवडा, दोस्रा उपाध्यक्ष घनश्याम कावरा र उपाध्यक्ष सुजन थापा रहेका छन् । यस्तै कोषाध्यक्षमा आश्वीनी वंसल, सचिव रानु गोयल रहेका छन् । सह–सचिवमा विनोद बोहरा, क्लबका फाउन्डेसन सन्जय वंशल रहेका छन् ।
यस्तै क्लबका निर्देशकहरूमा मोहन न्यौपाने, गिरिराज बस्नेत, राजेश्वर यादव, शैलेशमणी पोखरेल र अरुण खेतान रहेका छन् । क्लबका पूर्व अध्यक्ष मुकेश उपाध्याय रहेका छन् ।
पदस्थापन कार्यक्रमको प्रमुख अतिथि विराटनगर महानगरपालिकाका प्रमुख नागेश कोइराला रहेका थिए । कार्यक्रममा उनले रोटरी क्लबसँग सहकार्य र समन्वय गरी विकास निर्माणको काम गर्न महानगरपालिका लागि पर्ने बताए । कार्यक्रममा रोटरी क्लब नेपाल भुटानको निवर्तमान डिस्ट्रिक्ट गभर्नर सन्तोष रिजाल, रोटरी क्लब इन्टरनेशनलको फाउन्डेसन रिजनल चयरपर्सन वासुदेव गोल्यानले रोटरी सामाजिक कार्यमा जहिले पनि सक्रिय भएर लागि परेको बताए । आगामी दिनमा पनि सक्रिय रूपमा सामाजिक कार्यमा लाग्न उनीहरूले आग्रह गरे ।