विराटनगर । रोटरी क्लब अफ विराटनगर डाउनटाउनले विद्यार्थीहरूलाई छाता बितरण गरेको छ । विराटनगर– ४ खारजीमा रहेको श्री ज्योती आधरभूत विद्यालयमा अध्ययरत १ सय ५० जना विद्यार्थीहरूलाई बिहीबार छाता वितरण गरेको हो ।

विद्यार्थीहरूलाई रोटरी क्लब अफ विराटनगर डाउनटाउनका अध्यक्ष रेखा राठी, पूर्वअध्यक्ष तथा पदाधिकारी, एनआइसी बैंक प्रदेश १ का प्रमुख विकास खरेललगायतले विद्यार्थीहरूलाई छाता वितरण गरेका थिए । आर्थिक अवस्था नाजुक भएका विद्यार्थीहरू श्री ज्योती विद्यालयमा अध्ययरत छन् । उनीहरूलाई घाम र पानीबाट जोगिन छाता बितरण गरेको क्बलका अध्यक्ष राठीले बताइन् ।

अध्यक्ष राठीले विराटनगर ४ खारजीको आर्थिक विपन्न मुसर सामुदायमा ‘ह्याप्पी भिलेज’ कार्यक्रम सुरू गरेकी छिन् । खारजी बस्तीमा क्बलले एक वर्षभरी जागरण अभियानदेखि विभिन्न सामाजिक कामहरू गर्ने अध्यक्ष राठीले बताइन् । ‘मेरो कार्यकालमा खारजी गाउँलाई सुविधा सम्पन्न गाउँ बनाउने योजना रहेको छ । यसमा ४ हजार भन्दा बढी यहाँका स्थानिय जोडिनेछन्,’ उनले भनिन्, ‘चाँडै ७५ घरपरिवारमा शौचालय र पानी पिउन चापकल निमार्ण गर्नेछौं ।’ यहाँका गृहणी महिला र किशोरीहरूलाई आत्मनिर्भर बनाउने उद्देश्यले तीन महिने निःशुल्क सिकाइ कटाइको तालिम पनि सुरू भइरहेको छ ।

उक्त तालिममा यहाँका २० जना महिलाहरूको सहभागिता रहेको छ । छाता वितरण कार्यक्रममा क्लबका पूर्वअध्यक्षहरू किरण कर्ण, अर्चना शर्मा, मधु कावरा, अर्चना तापरिया, सुनिता अग्रवाल, क्बलका सचिब नमिता टिवरीवाल, शिक्षा संयोजक मुक्ता तोदी तथा क्लबका पदाधिकारी तथा सदस्यहरूको उपस्थिती रहेको थियो ।