मोरङ,११ असार-विदेशमा बसोवास गरेपनि मातृभूमि तथा जन्मभूमिप्रति समर्पित रहदै गीतमार्फत विराटनगरको महिमा वर्णन गर्दै आज एक यहाँ एक नेपाली गीतको विश्व लोकर्पण गरिएको छ।

वेल्जियममा वसोबास गर्ने नेपाली चलचित्रका नायक धीरज सापकोटा र अनमोल मुरारी(पौडेल)द्वारा रचित एवं गायन गरिएको ‘वषैं पछि ’ नामक गीतको युट्यूब मार्फत लोकार्पण गरिएको छ ।

गीतमा विराटनगरका शहरको र यसका विशेषता सम्वन्धमा जानकारी मूलक सन्देश प्रवाह गरिएको छ । उक्त गीतबाट हुने आम्दानीलाई गरीव,असाहयमा खर्च गरिने बेल्जियमबाट गायक सापकोटाले अनलाइन मार्फत जानकारी दिनु भयो ।

अर्का गायक मुरारीले आगामी दिन यस शहर तथा प्रदेशप्रति समर्पित रहने अन्य गीत ल्याउने जानकारी दिनु भयो । उक्त गीतको नेपाली चलचित्रका कलाकार नायक पुष्प श्रेष्ठ, चलचित्रका गायक रमा मण्डल,वडा नं १० का वडाअध्यक्ष अर्जुन गिरी र नाट्यकर्मी भरत गुरागाईले संयुक्त्त रुपमा लोकार्पण गर्नु भयो ।

सो अवसरमा कलाकार श्रेष्ठ, गायक मण्डल, गिरी र गुरागाईले यस क्षेत्रमा लुकेर रहेका प्रतिभालाई प्रस्फुटन गराउन हामी सबैको ध्यान जार्नुपर्ने आवश्यक्त्ता औल्याउनु भएका छन् ।

कलाकार सापकोटाले अग्निपथ नामक नेपाल चलचित्रमा नायकको रुपमा भूमिका निर्वाह गरिसक्नु भएको थियो भने अर्को गायक मुरारीले पाँच सय भन्दा वढी गीत गाउनका साथै टेलिरियल, कविता, उपन्यास प्रकाशन गर्नु भएको छ। सोही अवसरमा गायक मण्डलले आफुले गायन गरेको नेपाली चलचित्रको गीतहरु गाउनु भएको थियो ।