करेन्ट लागेर सह–चालकको मृत्यु
विराटनगर, २४ फागुन । मोरङ बेलबारी नगरपालिका–७ का २४ बर्षीय आशिस मग्रातीको करेन्ट लागेर मृत्यु भएको छ । आइतबार राती ९ बजे दुहबी –२ स्थितमा रहेको मैनावती स्टिल फ्याक्ट्रीमा ना४ख ५९३६ नम्बरको ट्रकमा सामान लोड...
विराटनगर, ४ जेठ । मोरङको केराबारी गाउँपालिकामा एमाले विजयी भएको छ । अध्यक्षमा एमालेका सुमन मिरिङचिङ मगर र उपाध्यक्षमा एमालेकी मनमाया मगर निर्वाचित भएका हुन् ।
बुधबार विहान सार्वजानिक भएको अन्तिम मत परिणाम अनुसार गाउँपालिका अध्यक्षमा एमालेका सुमनले ७८१० मत प्राप्त गरे । उनले कांग्रेसका रोहितबहादुर कार्कीलाई १ हजार ४ सय २० मतको अन्तरले पराजित गरे ।
कार्की निवर्तमान गाउँपालिका अध्यक्षसमेत हुन् । कार्कीले ६ हजार ३ सय ९० मत प्राप्त गरेका छन् । उपाध्यक्षमा एमालेकै मगरले ७२६७ मत ल्याएर विजयी भएकी छन् । उनकी निकटतम प्रतिद्वन्दी कांग्रेसकी सुभद्रा राईले ६ हजार ४ सय २८ मत प्राप्त गरिन् ।
उक्त गाउँपालिकामा २०७४ सालको स्थानीय तह निर्वाचनमा कांग्रेसका कार्कीले अध्यक्षमा ५ हजार ४ सय ९९ र उपाध्यक्षमा एमालेकी शान्तिकुमारी लिम्बूले ५ हजार ७ सय ४७ मत ल्याएर जितेका थिए ।
सो गाउँपालिकामा एमालेले बहुमत वडासमेत जितेको छ । एमालेले वडा नम्बरहरू १, २, ३, ५, ७ र १० नम्बर वडा जित्दा कांग्रेसले ४, ८ र ९ र माओवादी केन्द्रले ६ नम्बर वडा जितेको छ ।
