विराटनगर, २१ वैशाख । नेपाली कांग्रेसका नेता डा. शेखर कोइरालाले कम्युनिष्टको नेतृत्वमा सरकार बन्दा जहिल्यै देशले दुख पाएको आरोप लगाएका छन् ।

बुधबार विराटनगरमा नेपाली कांग्रस मोरङले आयोजना गरेको चुनावीसभालाई सम्बोधन गर्दै नेता कोइरालाले यस्तो बताएका हुन् ।

उनले एमालेको सरकार बन्दा देशले दुख पाएको बताउँदै आगामी ३० वैशाखमा हुन् स्थानीय निर्वाचनमा गठबन्धनका उम्मेदवारलाई विजयी गराउनुपर्ने बताए ।

उनले स्थानीयतहको निर्वाचनमा गठबन्धनका उम्मेदवारलाई मत दिएर लोकतन्त्र र संविधानको रक्षा गर्नुपर्ने बताए ।

नेता कोइरालाले अहिले नेपाली कांग्रेसको नेतृत्वमा संघीय सरकार रहेकाले आगामी बजेटमा विराटनगरको चौतर्फी विकासका लागि पहल गर्ने बताए ।