विराटनगर, । विराटनगरस्थित कोशी अस्पतालमा कार्यरत स्टाफ नर्स र प्रसुती वार्डका विरामीलाई सहयोग गरिएको छ । रोटरी क्लब अफ विराटनगर डाउन टाउनले सो अस्पतालमा कार्यरत स्टाप नर्सलाई ३२ थान महिनावारीको समयमा लगाउने कप र सुत्केरी महिलाहरुलाई ४० वटा मातृ तथा बाल हेरचाह किट वितरण गरेको हो ।

सो अवसरमा क्लबकी चार्टर प्रेसिडेन्ट डा. ममता वर्माले प्रसूति वार्डका सुत्केरी महिलाहरूसँग पनि अन्तरक्रिया गरेकी थिइन् । उनले सुत्केरी महिलाहरुलाई स्तनपानको महत्वारे प्रकाश पारेकी थिइन् । उनले महिनावारीको समयमा लगाउने कप प्रयोग एवम् फाइदा र यसले वातावरणको संरक्षमा पुग्ने फाइदाबारेसमेत बताएकी थिइन् ।

सो अबसरमा रोटरी क्लब अफ विराटनगर डाउनटाउनकी अध्यक्ष संचिता जैन, सचिव अनिता सारडा, सेवा परियोजना प्रमुख गिरिजा सारडा, जनसम्पर्क प्रमुख मञ्जु अग्रवाललगायत क्लबका पदाधिकारी र सदस्यहरुको उपस्थिती रहेको थियो ।