गाउँ-गाउँ पुगेर फर्किएका अधिकांश कांग्रेस नेताहरूले नेतृत्वलाई गठबन्धन नगर्न सुझाएका छन् । शुक्रबारको केन्द्रीय कार्यसमिति बैठकमा धारणा राखेका २१ मध्ये अधिकांश नेताहरूले गठबन्धन नगर्न सुझाव दिएका हुन् । नेकपा र एमाले विभाजित रहेकाे अवस्थामा कांग्रेसलाई फाइदा हुने भन्दै केन्द्रबाट गठबन्धन लादेर कार्यकर्ता पंक्तिलाई निराश नबनाउन अधिकांशले सुझाएका छन् ।

बैठकमा धारणा राखेका नेता दिनेश कोइरालाले आफूले गठबन्धन नगर्न सुझाएको बताए । उनले नेकपा र एमाले विभाजित रहेको अवस्थामा कांग्रेसलाई फाइदा हुने भएकाले एक्लै लड्ने उपयुक्त बेला यही रहेको मत राखेका थिए ।