विराटनगर, १४ फागुन । नेकपा (एमाले) को जनवर्गीय संगठन नेपाल उत्पीडित जातीय मुक्ति समाज मोरङले आक्रमक ढंगले संगठन सुदृढीकरण अभियानलाई तीब्रता दिएको छ ।

दलित समुदायका सवाल र मुद्धाहरुलाई राजनीतिकरुपमा उठान गर्दै आएको मुक्ति समाजले जिल्लाका १७ वटै स्थानीय तहका सबै पालिका तथा १५९ वटै वडामा संगठन सुदृढीकरण अभियान तीब्र बनाएको हो । अभियान अन्तर्गत मोरङको बुढीगंगा गाउँपालिकामा सम्पन्न भेलाले ७ वटै वडाको प्रतिनिधित्व हुनेगरी ५१ सदस्यीय गाउँपालिका अधिवेशन आयोजक कमिटी गठन भएको छ ।

राष्ट्रियसभाका पूर्व सांसद, नेकपा (एमाले) प्रदेश कमिटी सदस्य तथा मुक्ति समाज प्रदेश १ का इन्चार्ज खेम नेपालीको प्रमुख आतिथ्यतामा सम्पन्न भेलाले लालबीर सरदारको अध्यक्षतामा ५१ सदस्यीय गाउँपालिका अधिवेशन आयोजक कमिटी गठन गरेको हो ।

अधिवेशन आयोजक कमिटीको उपाध्यक्षमा खगेन्द्र परियार, सचिवमा उमेश सरदार, सह–सचिवमा मुना महेश्वर चयन भएको नेपाल उत्पीडित जातीय मुक्ति समाज मोरङका अध्यक्ष किशोर विश्वकर्माले जानकारी दिए ।

त्यस्तै भेलाले सदस्यहरुमा दिलचन सरदार, श्याम सरदार, काजी ऋषिदेव, कविता सरदार, शम्भु सरदार, कुमार रुचाल, जुगलाल ऋषिदेव, गंगा विश्वकर्मा, कैलु सरदार, थापा ऋषिदेव, चिचुलाल सरदार, सियाराम सरदार, रेसे दमाई, रमेश परियार, नन्दु परियार, राजेन्द्र ऋषिदेव, रञ्जित हिंङ्माङ्ग, पवन ऋषिदेव, तिलक ऋषिदेव, शंकर ऋषिदेव, देवु ऋषिदेव, महिन्द्र ऋषिदेव, सियाराम सरदार, रमेशकुमार महतो, विनोद मण्डल, बद्री सरदार, चम्पा ऋषिदेव, स्वीटी पाल, अञ्जली ऋषिदेव, सुनिल ऋषिदेव, विजय ऋषिदेव, मनोज हिंङ्माङ्गलाई पाख्रिनलाई चयन गरेको छ ।

त्यस्तै अन्य सदस्यहरुमा विकास हिंङ्माङ्ग, अञ्जली ऋषिदेव, पनरलाल सरदार, कृष्णकुमार सरदार, किरण सरदार, शम्भु सरदार, ओम सरदार, शिवलाल सरदार, दिनाराम सरदार, सुकदेव हरिजन, सागर विश्वकर्मा, जिवन ऋषिदेव, मनिषा सरदार, बुधलाल सरदार, चन्दा सरदार, जानकी सरदारलगायत चयन भएका छन् ।

भेलाले चयन गरेका पदाधिकारी तथा सदस्यहरुको घोषणा मुक्ति समाज मोरङका अध्यक्ष विश्वकर्माले गरेका थिए ।
नव गठित कमिटीका पदाधिकारी तथा सदस्यहरुलाई राष्ट्रिय सभाका पूर्वा सांसद, नेकपा (एमाले) प्रदेश कमिटी सदस्य तथा मुक्ति समाज प्रदेश १ इन्चार्ज खेम नेपालीले शपथग्रहण गराएका थिए ।

भेलालाई सम्बोधन गर्दै कार्यक्रमको प्रमुख अतिथी रहेका नेता नेपालीले मुक्ति समाजले आम दलित समुदायको अगुवाई गर्दै सो समुदायका सवालहरुलाई रानीतिकरुपमा उठाउँदै आएको बताए । उनले भन्दा पहिले २०४५ सालमा दलित समुदायलाई राजनीतिक रुपमा नेकपा (एमाले) ले संगठित गरेर दलित समुदायका सवालहरुलाई राजनीतिकरुपमा शसक्त ढंगले उठाउदै आएको बताए ।

सो अबसरमा कार्यक्रमका विशिष्ट अतिथी नेकपा (एमाले) प्रदेश कमिटी सदस्य सत्यनारायण चौधरीले सिंगो दलित समुदायको अधिकारका लागि सम्पूर्ण दलित समुदाय मुक्ति समाजमा संगठित हुनुपर्ने बताए । उनले ऐन कानुनहरुको प्रभावकारी कार्यान्वयन हुन नसक्दा दलित समुदाय माथि अहिले पनि जतीय विभेद र छुवाछुतका घटना भइरहेकाले त्यसविरुद्ध संगठित भएर लड्नुपर्ने बताए ।

नेता चौधरीले देश र जनताका लागि नेकपा एमालेसँग मात्र स्पष्ट योजना रहेकाले आगामी तिनै तहको निर्वाचनमा अत्याधिक मतसहित विजयी गराउनुपर्ने बताए । उनले निर्वाचनमा एमाले सामु एक्लै लड्ने तागत कुनै दलसँग नरहेकाले विरोधी दलहरु गठबन्धनको नारा लगाउँदै हिँडेको बताए ।

कार्यक्रममा नेकपा (एमाले) जिल्ला कमिटी मोरङका सदस्य बलभद्र सरदार, मुक्ति समाज प्रदेश कमिटी सदस्य विक्रम मग्राती, जिल्ला कमिटी अध्यक्ष किशोर विश्वकर्मा, सदस्यहरु टिकाराम सरदार, अन्चु मोची, एमाले बुढीगंगा गाउँपालिका कमिटी सचिव अर्जुन बोगटी लगायतले नव गठित कमिटीका सम्पूर्ण पदाधिकारी तथा सदस्यहरुलाई शुभकामना दिँदै बुढीगंगा गाउँपालिकाका सवै दलित समुदायलाई मुक्ति समाजमा संगठित गर्न निर्देशन दिए । उनीहरुले एमाले मात्र देश र जनताका लागि काम गर्ने पार्टी भएकाले अब हुने तीनै तहको निर्बाचनमा एमालेलाई जिताउनुपर्ने बताए । नेताहरुले एमालेकै नेतृत्वमा समृद्ध नेपाल शुखि नेपालीको नारा साकार बन्ने दावी गरे ।