काठमाडौं, ७ माघ । भारतमा पछिल्लाे २४ घण्टामा झण्डै साढे ३ लाख काेराेना संक्रमित थपिएका छन् । केन्द्रीय स्वास्थ्य मन्त्रालयले २४ घण्टाकाे अवधिमा ३ लाख ४७ हजार २५४ संक्रमित थपिएकाे शुक्रबार जानकारी दिएकाे हाे ।

याे संख्या अघिल्लाे २४ घण्टाकाे तुलनामा २९ हजार ७२२ ले धेरै रहेकाे पनि मन्त्रालयले जनाएकाे छ ।

पछिल्लाे २४ घण्टामा काेराेना संक्रमणका कारण ७०३ जनाले ज्यान गुमाएका छन् । २ लाख ५१ हजार ७७७ जना संक्रमणमुक्त भएका पनि मन्त्रालयले जानकारी दिएकाे छ ।

अहिले भारतमा २० लाख १८ हजार ८ सय भन्दा धेरै सक्रिय संक्रमित रहेका छन् । संक्रमणदर १७.९४ प्रतिशत रहेकाे छ । भारतमा काेराेनाकाे नयाँ भेरियन्ट ओमिक्राेन पुष्टि हुनेकाे संख्या ९ हजार ६९२ पुगेकाे छ ।