विराटनगर, ३ पुस । निरन्तर विभिन्न सामाजिक कार्य गर्दै आएको रोटरी क्लब अफ विराटनगरले २०० जनालाई भिष्ठान्न भोजन गराएको छ । क्लबले ‘भोकालाई खाना देउ’ अभियान अन्तर्गत विराटनगरस्थित विराट बहिरा माध्यामिक विद्यालयमा अध्ययनरत २०० सय विद्यार्थीलाई मिष्ठान्न भोजन गराएको हो ।

क्लबले विराटनगर–५ स्थित सो विद्यालयका विद्यार्थीहरुलाई पुरी, तरकारी, खीर, जिलेबी, गुलाब जामुनसहितको मिष्ठान्न भोजन गराएको थियो । रोटरी क्लब अफ विराटनगर डाउन डाउनले मानवीय सेवा भावले गरेको सो सामाजिक कार्यप्रती विद्यालयका विद्यार्थी, शिक्षक÷शिक्षिका, कर्मचारीलगायतले आभार प्रकट गर्दे खुशि व्यक्त गरे ।

‘भोकालाई खाना देउ’ अभियान क्लबकी पूर्वअध्यक्ष किरण कर्णले सघाएकी थिइन् । खानाको सम्पूर्ण व्यवस्थापन सेवा परियोजना प्रमुख गिरिजा सारडाले गरेकी थिइन् ।

अभियानलाई सफल बनाउन क्लबी अध्यक्ष संचिता जैन, सचिव अनिता सारडा, जनसम्पर्क अधिकारी मञ्जु अग्रवाललगायत क्लबका १० जना पदाधिकारी तथा सदस्यहरुले भुमिका खेलेका थिएन ।