विराटनगर, ५ मंसिर । सामाजिक कार्यमा अग्रसर रोटरी क्लब अफ विराटनगर डाउन टाउनले बात्ति बनाउने मेशिन वितरण गरेको छ ।

रोटरी क्लब अफ विराटनगर डाउन टाउन र नेपाल महेश्वरी महिला संगठनको संयुक्त आयोजनामा तीनवटा बात्ति बनाउने मेशिन वितरण गरिएको हो ।

दुवै संस्थाले विराटनगर महानगरपालिकाका मेयर भीम पराजुलीको उपस्थितीमा विराटेश्वर वृद्धा आश्रम, बहिरा आश्रम र एउटा महिला समुहलाई एक÷एक वटा बात्ति बनाउने मेशिन वितरण गरेको हो ।

दुवै संस्थाको तर्फबाट कार्यक्रम संयोजक गिरिजा सारडा रहेकी थिइन् । बात्ति बनाउने मेशिन वितरण कार्यक्रममा रोटरी क्लब अफ विराटनगर डाउन टाउनकी अध्यक्ष संचिता जैन, नेपाल महेश्वरी महिला संगठनकी अध्यक्ष अनीता अटल, अनीता सारडा र सदस्यहरूलगायतको उपस्थिती रहेको थियो ।