काठमाडौं, २४ कात्तिक । नेपाल आयल निगमले पेट्रोलियम पदार्थको मूल्य बढाएको छ ।

पछिल्ल‍ो १० दिनको अवधिमा आयल निगमले इन्धनको मूल्य दुई पटक बढाएको हो । यो अवधिमा मात्रै खाना पकाउने एलपी ग्यासको मूल्य १२५ रुपैयाँ बढेको छ ।

कात्तिक १४ गतेसम्म १४ सय ५० रहेको ग्यासको मूल्य १५ कात्तिकमा बढेर १५ सय रुपैयाँ पुगेको थियो । त्यस्तै,  बुधबार रातिदेखि लागू हुने गरी थप ७५ रुपैयाँ बढाएर आयल निगमले ग्यासको मूल्य प्रतिसिलिण्डर १५ सय ७५ रुपैयाँ कायम गरेको छ ।

पेट्र‍ोल, डिजेल र मट्टितेलको मूल्य पनि प्रतिलिटर ३ रुपैयाँ बढेको छ ।