विराटनगर, १३ कात्तिक । नेकपा (एमाले) मोरङको पालिका अधिवेशन अन्तर्गत शनिबार सुनवर्षी नगर कमिटीको अधिवेशन सम्पन्न भएको छ । नेकपा (एमाले) मोरङका अध्यक्ष ऋषिकेश पोखरेलको प्रमुख आतिथ्यतामा भेडुवाथानमा सम्पन्न प्रथम अधिवेशनले सर्वसम्मत नेतृत्व चयन गरेको छ ।

नगर कमिटीको अधिवेशनबाट आगामी ३ वर्षे कार्यकालका लागि अध्यक्षमा श्याम राजवंशी, उपाध्यक्षमा प्रदिप रायमाझि, सहसचिवमा रुपेश साह र भूमिका दुलाल सर्वसम्मत निर्वाचित भएका छन् । यस अघि पनि राजवंशी अध्यक्ष र कँडेल सचिव थिए ।

अधिवेशनले समावेशी नेतृत्व चयन गर्दै ७५ सदस्यीय नगरकमिटी सर्वसम्मत निर्वाचित गरेको नवनिर्वाचित सचिव विष्णु कँडेलले जानकारी दिए । अधिवेशनमा प्रदेश कमिटी सदस्य रमेश पोखेरेल, रुप नारायण मिश्र, डिबि कार्कीलगायत पार्टीको जिल्ला कमिटीका नेताहरुलगायतको सहभागिता थियो ।

अधिवेशनमा सवै वडाबाट ४ सय ७५ जना प्रतिनिधिहरुको सहभागिता रहेको थियो । सुनवर्षी नगरपालिकामा नेकपा (एमाले) का १८ पार्टी संगठित सदस्य सहेको सचिव कँडेलले बताए ।