माल्दिभ्समा जारी साफ च्याम्पियनसिप फुटबलको उपाधिका लागि नेपालले आज चिरप्रतिद्वन्द्वी भारतसँग प्रतिस्पर्धा गर्दैछ ।
मालेस्थित राष्ट्रिय रंगशालामा हुने नेपाल र भारतबीचको उपाधि भिडन्त नेपाली समयअनुसार राति ८ बजेर ४५ मिनेटमा सुरु हुनेछ ।
आज दुवै टोली उपाधि जित्ने लक्ष्यसहित मैदान उत्रिनेछन् । चिरपरिचित दुई प्रतिद्वन्द्वीबीचको उपाधि भिडन्त रोमाञ्चक हुनेछ । पाँच देश सहभागी राउण्ड रोबिन लिगको आधारमा भएको प्रतियोगिताको दोस्रो स्थानमा रहेर नेपालले उपाधिका लागि शीर्ष स्थानमा रहेको भारतको सामना गर्न लागेको हो ।
साफ इतिहासमा नेपाल पहिलो पटक फाइनल पुगेको हो । त्यसैले पनि भारतविरुद्धको आजको उपाधि भिडन्तमा नेपाल उच्च मनोबलका साथ मैदान उत्रिनेछ । फाइनलमा भारतलाई हराउँदै उपाधि उचालेर नेपाल इतिहास रच्न चाहन्छ । तर, सात पटकको च्याम्पियन टोली भारतलाई सजिलै हराउन भने नेपाललाई सहज हुनेछैन ।
कप्तान किरण चेम्जोङले उपाधि उचाल्ने लक्ष्यका साथ भारतविरुद्ध उच्च मनोबलका साथ मैदान उत्रिने बताएका छन् । ‘राम्रो तयारी गरेका छौँ । खेल कठिन छ तर हामी हाम्रो लक्ष्य पूरा गर्न चाहन्छौँ,’ उनले भनेका छन् ।
नेपालविरुद्ध हाबी छ भारत
नेपालविरुद्धको खेल इतिहासमा भने भारत हाबी छ । नेपाल र भारतले एकअर्काविरुद्ध सबैखाले प्रतियोगिता गरी अहिलेसम्म २३ खेल खेलेका छन् ।
जसमा भारतले १५ खेल जितेको छ भने नेपालले जम्मा तीन खेलमा मात्रै जित हासिल गरेको छ । पाँच खेल भने बराबरीमा सकिएका छन् । नेपालले पछिल्लो पटक घरेलु मैदान दशरथ रंगशालामा गत भदौमा भारतसँग दुई मैत्री खेल खेलेको थियो ।
जसमा पहिलो खेल १-१ को बराबरीमा सकिएको थियो भने दोस्रो खेलमा भारतसँग २-१ ले पराजित भएको थियो । पछिल्लो पटक जारी साफको लिग चरणमा नेपाल र भारतबीच प्रतिस्पर्धा भएको थियो । जहाँ भारतले नेपाललाई १-० ले हराएको थियो ।
नेपाल भर्सेस भारत : खेल इतिहास
१. सन् १९८५ डिसेम्बर ३१, ढाका : भारत २-० ले विजयी
२. सन् १९८७ डिसेम्बर २३, कोलकाता : भारत १-० ले विजयी
३. सन् १९८९ अक्टोबर २३, इस्लामावाद : भारत २-१ ले विजयी
४. सन् १९९३ जुलाई १९, लाहोर : भारत १-० ले विजयी
५. सन् १९९३ डिसेम्बर २६, ढाका : पेनाल्टी सुटआउटमा नेपाल ४-३ लेविजयी
६. सन् १९९५ डिसेम्बर २५, मद्रास : भारत ३-० ले विजयी
७. सन् १९९८ डिसेम्बर ५, बैंकक : भारत १-० ले विजयी
८. सन् १९९९ सेप्टेम्बर ३०, काठमाडौं : भारत ४-० ले विजयी
९. सन् २००५ डिसेम्बर १८, कराँची : भारत २-१ ले विजयी
१०. सन् २००६ अप्रिल ९, चिटगाउँ : नेपाल ३-० ले विजयी
११. सन् २००८ जुन ३, माले : भारत ४-० ले विजयी
१२. सन् २००९ डिसेम्बर ७, ढाका : भारत १-० ले विजयी
१३. सन् २०१२ अगस्ट ५, नयाँ दिल्ली: नेपाल र भारत गोलरहित बराबरी
१४. सन् २०१३ सेप्टेम्बर ५, काठमाडौं : नेपाल २-१ ले विजयी
१५. सन् २०१३ नोभेम्बर १९, सिलगुढी : भारत २-० ले विजयी
१६. सन् २०१५ मार्च १२, गुवाहटी : भारत २-० ले विजयी
१७. सन् २०१५ मार्च १७, काठमाडौं : नेपाल-भारत गोलरहित बराबरी
१८. सन् २०१५ अगस्ट ३१, पुना : नेपाल-भारत गोलरहित बराबरी
१९. सन् २०१५ डिसेम्बर २७, त्रिवेन्द्ररम : भारत ४-१ ले विजयी
२०. सन् २०१७ जुन ७, मुम्बई : भारत २-० ले विजयी
२१. सन् २०२१ सेप्टेम्बर २, काठमाडौं : भारत र नेपाल १-१ को बराबरी
२२. सन् २०२१ सेप्टेम्बर ५, काठमाडौं : भारत २-१ ले विजयी
२३: सन् २०२१ अक्टुबर १३, माले : भारत १–० ले विजयी
एजेन्सी, १३ असार । भारतको जम्मुस्थित विमानस्थलमा आइतबार शक्तिशाली विस्फोट भएको छ । करिब पाँच मिनेटको अन्तरमा दुई पटक विस्फोट भएको सरकारी अधिकारीहरुले जानकारी दिएका छन् । विमानस्थलको उच्च सुरक्षासहितको प्राविधिक क्षेत्रमा भएको विस्फोटबाट कुनै...
पूर्वपश्चिम महेन्द्र राजमार्गअन्तर्गत बाँकेको अगैया–कुसुम सडकखण्डमा बाघ देखिएपछि स्थानीयवासी त्रसित भएका छन् । बाँके राष्ट्रिय निकुञ्जबाट निस्किएका दुई पाटेबाघ दिनहुँजसो सडकमा देखिने गरेका कारण स्थानीयवासी त्रसित हुन पुगेको राप्तीसोनारी गाउँपालिका–१ का वडाध्यक्ष चन्द्रबहादुर वलीले बताए ।...
विराटनगर, २३ पुस-प्रदेश १ मा कामदारको शिप विकाससँगै उनिहरुको दक्षता अभिबृद्धि गरिने भएको छ । कामदारमा दक्षता अभिबृद्धि गरि स्वरोजगार बनाउने उदेश्यले प्रदेश १ मा परियोजना स्ुरु हुन लागेको हो । कृषि, पर्यटन र निर्माण...
विराटनगर, बैशाख ७–भारत तथा तेस्रो मुलुकबाट मुस्लिम धार्मिक तीर्थयात्रीहरु (जमात) लकडाउनका कारण सीमा बन्द हुँदा विभिन्न स्थानमा अलपत्र परेको भन्दै मोरङका मुस्लिम अगुवाहरुले उनीहरुको उद्धारमा एकीकृत योजना बनाउन प्रधानमन्त्री समक्ष माग गरेका छन् । मोरङ...
विराटनगर, ९ साउन–प्रदेश १ का मुख्यमन्त्री शेरधन राईले आज सामाजिक विकास मन्त्रालयको अनुगमन गरेका छन् । मुख्यमन्त्री राईले मन्त्रालयको अनुगमन पछि मन्त्रालयका सचिव, महाशाखा प्रमुख लगायत कर्मचारीहरुलाई निर्देशन पनि दिएका छन् । सामाजिक विकास मन्त्रालयले...
विराटनगर । प्रदेश १ का नवनियुक्त मुख्यमन्त्री हिक्मत कार्कीले भोलि सबै दलको प्रतिनिधित्व हुने गरेर सानो आकारको मन्त्रीमण्डल बिस्तार हुने बताएका छन् । मुख्यमन्त्रीमा नियुक्त भएपछि सञ्चारकर्मीसँग कुरा गर्दै उनले यस्तो बताएका हुन् । उनले...
विराटनगर, ३१ वैशाख । मोरङको कानेपोखरी गाउँपालिकामा नेकपा (एमाले) ले अग्रता कायम गरेको छ । गाउँपालिका अध्यक्ष र उपाध्यक्ष दुवै पदमा एमालेले फराकिलो मत अन्तरले अग्रता कायम गरेको हो । कानेपोखरी गाउँपालिकाको अध्यक्षमा एमालेकी राजमती...
काठमाडौं, १३ चैत-सरकारले आन्तरिक र बाह्य उडान जेठ २ गतेसम्म बन्द गर्ने निर्णय लिएको छ । शनिबार प्रधारमन्त्री तथा मन्त्रिपरिषद् कार्यालयमा बसेको कोरोना रोकथाम तथा नियन्त्रण उच्चस्तरीय समन्वयन समितिको बैठकले मे १५ सम्मको लागि उडान...
हामीलाई पछ्याउनुहोस्
© 2019-2023 Copyright Birat Times Pvt. Ltd. | All Rights Reserved, Design & Develop By: Indesign Media Pvt. Ltd.