विराटनगर । नेपाल औषधी व्यवसायी संघ मोरङ शाखाले सिपिआर तथा क्यान्सर रोग बारे सचेतना मुलक कार्यक्रम सम्पन्न गरेको छ । भारतको पटनास्थित मेदान्ता अस्पतालको सहयोगमा उक्त कार्यक्रम शुक्रबार विराटनगरस्थित होटल स्वागतममा आयोजना गरेको हो ।

सिपिआर तथा क्यान्सर रोग बारे सचेतना फैलाउने उद्देश्यले मेदान्ता हस्पिटलसँगको सहकार्यमा सचेता मुलक कार्यक्रम आयोजना गरेको संघका अध्यक्ष देशबन्धु ढकालले जानकारी दिए । भारतको मेदान्ता हर्ट ईन्स्टिच्युटका निर्देशक द्वय डा. प्रमोद कुमार र डा. अजय कुमार सिन्हाले मृटुका समस्या तथा एन्जियोप्लास्टी सम्बन्धि कार्यपत्र प्रस्तुत गरेका थिए ।

त्यस्तै मेदान्ता क्यान्सर ईन्स्टिच्युट पटनाका सहनिर्देशक डा. सन्दिप कुमारले प्यान्क्रियाजमा हुने क्यान्सरका शल्यक्रिया सम्बन्धि कार्यपत्र प्रस्तुत गरेका थिए । उक्त कार्यक्रममा औषधी व्यवसायी, विद्यार्थी, स्वयमसेविकाहरुको सहभागिता रहेको थियो ।

सोही अवसरमा औषधी व्यवसायी संघ मोरङ र मेदान्ता हस्पिटलबीच व्यवसायीहरुको सौलियतमा उपचारको लागि चाँडै सम्झौता पनि हुने अध्यक्ष ढकालले जानकारी दिए ।