पछिल्लो २४ घण्टामा १ हजार ३० जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार सोही अवधिमा १० जना कोरोना संक्रमितको मृत्यु भएको छ ।

सोही अवधिमा १ हजार जना कोरोना भाइरसको संक्रमणमुक्त भइ डिस्चार्ज भएका मन्त्रालयले जानकारी दिएको छ ।

मन्त्रालयले पछिल्लो २४ घण्टामा १० हजार ८ सय ७४ जनाको कोरोना परीक्षण गरिएको जानकारी दिएको छ । तिमध्ये ५ हजार ८ सय ९३ को पीसीआर र ४ हजार ९ सय ८१ जनाको एन्टिजेन परीक्षण गरिएको थियो ।

अहिले १६ हजार ६ सय ६ जना सक्रिय संक्रमित रहेको मन्त्रालयले जानकारी दिएको छ । त्यस्तै ३ सय ५१ जनाको सघन उपचार कक्षमा र १ सय १८ जनाको भेन्टिलेटरमा उपचार भइरहेको छ ।

हाल १५ हजार ५ सय ३४ जना होम आइसोलेसनमा, १ हजार १ सय ५२ जना संस्थागत आइसोलेसनमा र २ सय ४१ जना क्वारिन्टिनमा रहेको मन्त्रालयले जानकारी दिएको छ ।